சேரன் இயக்கத்தில் 'ஜேகே எனும் நண்பனின் வாழ்க்கை!'

சேரன் கடைசியாக இயக்கிய படம் பொக்கிஷம். 2009-ம் ஆண்டு வந்த அந்தப் படம் பெரும் தோல்வியைச் சந்தித்தது. அதன் பிறகு அவர் படங்கள் இயக்காமல், நடிப்பில் மட்டும் கவனம் செலுத்தி வந்தார்.

இப்போது மீண்டும் ஒரு படத்தை இயக்குகிறார் அவர். படத்துக்கு தலைப்பு 'ஜேகே எனும் நண்பனின் வாழ்க்கை'.

இந்தப் படத்தின் நாயகன் அவர் இல்லை. எங்கேயும் எப்போதும் படத்தில் நடித்த சர்வானந்த் நாயகனாகவும், 180 டிகிரி படத்தில் நடித்த நித்யா மேனன் நாயகியாகவும் ஒப்பந்தம் செய்யப்பட்டுள்ளனர்.

முதன்முறையாக இப்படத்தில் சேரனுடன் நடிக்கவிருக்கிறார், காமெடியில் இப்போதைக்கு கோலோச்சி வரும் சந்தானம். சேரன் முக்கிய பாத்திரத்தில் நடிக்கக் கூடும் எனத் தெரிகிறது.

விரைவில் இந்தப் படம் குறித்த அறிவிப்பு வரவிருக்கிறது.