தேவதாசி முறை சூப்பர் சிஸ்டம்.. சின்மயி தாயார் சர்ச்சை.. அம்மாவிற்காக பகிரங்க மன்னிப்பு கேட்ட மகள்!

தாயார்

இந்த நிலையில் சின்மயி தாயார் இதற்கு எதிர்மறையாக பேசி உள்ளார். அவர் தனது பேச்சில், தேவதாசி முறைங்கிறது இந்த பூமிக்கு, மண்ணுக்கு, பாரத தேசத்துக்கு சொந்தமானது. அது எப்பேர்பட்ட ஒசத்தியான சிஸ்டம். அதை சிதைச்சதனால நான் பெரியாரை மன்னிக்க மாட்டேன், என்று தனியார் செய்தி நிறுவன விவாத நிகழ்ச்சியில் பாடகி சின்மயி தாயார் குறிப்பிட்டு இருந்தார்.

சர்ச்சை

அவரின் இந்த பேச்சு பெரிய சர்ச்சையானது.இந்த வீடியோவை பலரும் இணையத்தில் பகிர்ந்து கடும் கண்டனம் தெரிவித்து இருந்தனர். சின்மயி பெண்கள் குறித்து முற்போக்கான கருத்துக்களை பகிர்கிறார்.

ஆணாதிக்கம்

ஆணாதிக்கம் குறித்தும், பெண் பாதுகாப்பும் குறித்தும் பேசுகிறார். மிக முக்கியமாக #metoo மூலம் பலரை வெளிச்சத்திற்கு கொண்டு வந்து இருக்கிறார். அப்படி இருக்கும் போது அவரின் தாயார் இப்படி பேசியது பலரையும் அதிர்ச்சிக்கு உள்ளாக்கியது.

கேள்வி

இது தொடர்பாக சின்மயியை டேக் செய்து பலரும் கேள்வி எழுப்பினார்கள். உங்கள் தாயார் பேசியது தவறு. கண்டனத்திற்கு உரியது. சமூக மாற்றத்தை முதலில் உங்கள் தாயிடம் இருந்து தொடங்குங்கள் என்று குறிப்பிட்டனர்.

எப்படி

இதற்கு தற்போது சின்மயி பதில் அளித்துள்ளார். அதில், தேவதாசி முறையை நான் முற்றிலுமாக எதிர்க்கிறேன். என்னுடைய அம்மாவுடைய கருத்துல எனக்கு உடன்பாடில்ல. எங்க அம்மாவுடைய கருத்துகளால் என்ன தேவதாஸி ஆகுன்னு சொல்றது நியாயமும் இல்லை.

அவங்கதான்

அவங்க செயலுக்கு அவங்கதான் பொறுப்பு. ஆனாலும் மனம் புண்பட்டவர்களுக்காக நான் மன்னிப்பு கேட்கிறேன், என்று சின்மயி தனது டிவிட்டில் குறிப்பிட்டுள்ளார்.