பேட்மிண்டன் ஆடப் போகும் ஓவியா, ஆர்யா, ஜெய்லட்சுமி ராய், பரத்

சென்னை: இந்திய திரைப்பட பிரபலங்கள் இணைந்து விளையாடும் நட்சத்திர கிரிக்கெட் போட்டி பெருமளவில் பிரபலமடைந்துள்ளது போல், தற்போது பேட்மிண்டன் போட்டியும் நடைபெற உள்ளது.

இந்த போட்டியை "இந்தியன் பேட்மிண்டன் செலிபிரட்டி லீக்" என்ற அமைப்பு நடத்த திட்டமிட்டுள்ளது. ஆர்யா, பரத், ஜெய், ஜெயம் ரவி, சிவா, ஆரி, தமன், சுந்தர்.சி, எஸ்.பி.பி.சரண், நரேன், ஜான் விஜய், விடிவி கணேஷ், வெங்கட் பிரபு, பிரேம்ஜி, ஆதி ஆகியோர் பதிவு செய்துள்ளனர்.

நடிகைகளில் ஓவியா, லட்சுமி ராய், ரூபா மஞ்சரி, ஜனனி ஐயர் உள்ளிட்டோர் இதில் கலந்து கொள்ள உள்ளனர்.இன்னும் பலர் இதில் கலந்துகொள்வார்கள் என எதிர்பார்க்கப்படுகிறது.

இப்போட்டிகள் ஆகஸ்டு மாதம் நடைபெறும் என்று தெரிவிக்கப்பட்டுள்ளது. இதில், வசூலாகும் நிதியை வைத்து பேட்மிண்டன் வீரர்களின் வளர்ச்சிக்காக செலவிட உள்ளனர்.