விஜய்யை ஜெயிக்கணும்னா... அஜித்துக்கு ரசிகர்கள் தேவை!

வசூலில் மாறி மாறி சாதனை

அஜித் மற்றும் விஜய் என இருவருக்கும் தமிழ் சினிமாவில் சரிசமமாக ரசிகர்கள் பட்டாளம் உள்ளனர். சமூக வலைதளங்களில் என்றாலும் சரி திரையரங்குகளில் என்றாலும் சரி இவர்களது ரசிகர்களுக்கு இணை இவர்களே என என்று சொல்லலாம். ஒவ்வொரு முறையும் அஜித்-விஜய் படங்கள் வெளியாகும் போதும் வசூலில் மாறி மாறி சாதனை செய்து வருகின்றன. விஜய்க்கு கடைசியாக வெளியான மாஸ்டர் திரைப்படம் மாபெரும் வெற்றிப்படமாக அமைந்தது இயக்குனர் லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன்,ஆண்ட்ரியா, சந்தானம்,கௌரி கிஷான் என பலர் நடித்திருந்த அந்த திரைப்படம் தமிழ் தெலுங்கு மலையாளம் கன்னடம் மற்றும் ஹிந்தி என ஐந்து மொழிகளில் வெளியாகி பட்டையக் கிளப்பியது.

முழுக்க முழுக்க ஆக்ஷனில்

நேர்கொண்ட பார்வை படத்திற்கு கிடைத்த மிகப்பெரிய வரவேற்பை தொடர்ந்து அஜித் நடிப்பில் கடந்த பிப்ரவரி 24ஆம் தேதி வெளியான திரைப்படம் வலிமை. ஹெச் வினோத் இயக்கத்தில் வெளியான இந்தப் படம் இந்திய அளவில் மிகப்பெரிய எதிர்பார்ப்பை ஏற்படுத்தியது. அஜித் முழுக்க முழுக்க ஆக்ஷனில் பட்டையை கிளப்பி இருந்த இந்த படம் வெளியாகி கலவையான விமர்சனங்களை பெற்று வருகிறது. வலிமை வசூலிலும் பெரிதாக சாதனை செய்யவில்லை என்ற தகவல்களும் தற்போது வெளியாகி வருகிறது.

விஜய் ஒரு ஸ்டெப் மேலே

இந்த நிலையில் அஜித், விஜய் குறித்து பிரபல விமர்சகர் அந்தனன் பேசியுள்ளார். அதில் அவர் பேசியதாவது விஜய்யும் அஜித்தும் சமகாலத்தில் வளர்ந்தவர்கள் ஆனால் இப்பொழுது விஜய்யை ஒப்பிட்டு பார்க்கும்பொழுது விஜய் ஒரு ஸ்டெப் மேலேதான் இருக்கிறார்.

சம்பள விஷயத்திலும் சரி ரசிகர்களை அரவணைப்பு போவதிலும் சரி விஜய் தான் மேலே உள்ளார். இது ஒரு போட்டி நிறைந்த உலகம் என்ன தான் எனக்கு கிடைத்த உயரம் போதும் எனக்கு கிடைத்த சம்பளம் போதும் என அஜித் நினைத்தாலும் கூட அவரது போட்டியாளர் விஜய்.

அஜித்துக்கு ரசிகர்கள் தேவை

விஜய் சம்பந்தப்பட்ட ஃபர்ஸ்ட் லுக் அல்லது டீசர் வெளிவந்தது என்றாலே அன்னைக்கே அஜித் சம்பந்தப்பட்ட ஒரு விஷயம் வருது அப்ப என்ன காரணம் விஜய் தன்னுடைய போட்டியாளர் நான் உன்னை விடமாட்டேன். அப்படியிருக்கையில் இறுதிவரை நீயா நானா என பார்க்கலாம் என சொல்ல வேண்டும் என்றால் ரசிகர்கள் பக்கத்தில் அஜித் நிற்க வேண்டும் என்று பிரபல விமர்சகர் அந்தனன் பேசியுள்ளார்.