Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
விரைவில் முடிவுக்கு வருகிறது சினிமா ஸ்ட்ரைக்?
Recommended Video
சென்னை: கடந்த நாற்பது நாட்களாக மூடிக் கிடக்கும் கோடம்பாக்கத்தின் கதவுகள் திறக்கப்படுவதற்கான அறிகுறிகள் தெரிய ஆரம்பித்துள்ளன. விரைவிலேயே ஸ்ட்ரைக் முடிவுக்கு கொண்டுவரப்பட்டு, படப்பிடிப்பு உள்ளிட்ட பணிகள் ஆரம்பமாகும் எனத் தெரிகிறது.
டிஜிட்டல் சேவை வழங்கும் நிறுவனங்கள் விதிக்கும் அநியாயக் கட்டணம், திரையரங்குகளில் தயாரிப்பாளர்களுக்கு எதிராக நடக்கும் கொள்ளைகள், மக்களை வதைக்கும் அதிகக் கட்டணங்கள், தயாரிப்பாளர்களை பாதிக்கும் நடிகர் நடிகையர் சம்பளம் என பல்வேறு விஷயங்களை சரிப்படுத்தி, திரைத்துறையில் புதிய ஒழுங்கைக் கொண்டு வரும் நோக்கில் இந்த ஸ்ட்ரைக்கை அறிவித்தது தயாரிப்பாளர் சங்கம்.
நாற்பது நாட்களாக நடக்கும் இந்த போராட்டம் அதன் இறுதிக் கட்டத்துக்கு வந்திருக்கிறது. பல நடிகர் நடிகைகள் தயாரிப்பாளர்களுக்கு வைக்கும் வீண் செலவுகளைக் குறைத்துக் கொள்ள முன் வைந்துள்ளனர். சூர்யா, கார்த்தி, விஷால் போன்றவர்கள் இதனை வெளிப்படையாகவே அறிவித்துள்ளனர்.
தியேட்டர்களும் வசூல் குறித்த கணக்கு வழக்குகளை தயாரிப்பாளர்கள் தெரிந்து கொள்ளும் வகையில் கம்ப்யூட்டர்மயமாக்கப் போவதாகக் கூறியுள்ளனர்.
டிஜிட்டல் சேவை வழங்கும் க்யூப், யுஎஃப்ஓ, பிஎக்ஸ்டி போன்றவை மட்டும் கட்டணக் குறைப்புக்கு உடன்படவில்லை. எனவே புதிய நிறுவனங்கள் மூலம் இந்த சேவையைப் பெற தயாரிப்பாளர் சங்கம் முடிவு செய்து, அதற்கான ஒப்பந்தங்களிலும் கையெழுத்திட்டு வருகிறது.
இன்னும் தியேட்டர்களில் கட்டணக் குறைப்பு, பார்க்கிங் - தின்பண்ட விலைக் குறைப்பு போன்ற சில விஷயங்கள் அறிவிக்கப்படாமல் உள்ளன. விரைவில் இவற்றைச் சரிசெய்துவிடுவார்கள் என்ற நம்பிக்கையில் உள்ளார் தயாரிப்பாளர் சங்கத் தலைவர் விஷால்.