Don't Miss!
- News "வாழ்க திராவிட மாடல்".. 'இது என்ன கொடுமை?' பொங்கி எழுந்த அன்புமணி ராமதாஸ்
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
அசுரன் ஒளிப்பதிவு.. வேல்ராஜுக்கு கிடைத்த புதிய அங்கீகாரம்.. மாஸ் காட்டும் விஐபி இயக்குநர்!
சென்னை: தமிழ் சினிமாவின் பிரபல ஒளிப்பதிவாளரும், இயக்குநருமான வேல்ராஜுக்கு புதிய அங்கீகாரம் கிடைத்திருக்கிறது.
இயக்குநர் வெற்றிமாறனின் ஆஸ்த்தான ஒளிப்பதிவாளரான வேல்ராஜ், பல படங்களில் தனது லென்ஸ் வழியே மிரட்டலான வித்தியாசமான பல்வேறு காட்சி படைப்புகளை படைத்துள்ளார்.
வேலையில்லா பட்டதாரி படத்தின் மூலம் வெற்றி இயக்குநராகவும் வலம் வரும் வேல்ராஜுக்கு கிடைத்துள்ள இந்த புதிய கெளரவத்திற்கு பிரபலங்கள், ரசிகர்கள் என பலரும் பாராட்டுக்களை தெரிவித்து வருகின்றனர்.
அசுரன் தந்த அங்கீகாரம்
வெற்றிமாறன் இயக்கத்தில் தனுஷ், மஞ்சு வாரியர், டிஜே அருணாச்சலம், கென் கருணாஸ், பிரகாஷ் ராஜ் மற்றும் பசுபதி நடிப்பில் கடந்த ஆண்டு வெளியாகி மாபெரும் வெற்றியடைந்த படம் அசுரன். அந்த படத்தில் புழுதி பறக்கும் காட்சிகளையும், வெறித்தனமான சண்டைக் காட்சிகளையும் தத்ரூபமாக படமாக்கி இருந்தார் வேல்ராஜ்.
இனி வேல்ராஜ் ISC
Indian Society of Cinematographers (ISC) என்ற அங்கீகாரம் தற்போது ஒளிப்பதிவாளர் வேல்ராஜுக்கு வழங்கப்பட்டுள்ளது. அசுரன் படத்தின் இரவு காட்சிகளுக்கு அவர் செய்த ஒளிப்பதிவு, உலகளவில் பிரசித்தி பெற்ற துருக்கி மொழி படமான 'Once Upon a Time in Anatolia' படத்துடன் ஒப்பீடு செய்யப்பட்டு இருந்தது குறிப்பிடத்தக்கது.
வெற்றி காம்போ
பொல்லாதவன், ஆடுகளம், வடசென்னை மற்றும் அசுரன் என விசாரணை படத்தை தவிர்த்து அனைத்து வெற்றிமாறன் படங்களுக்கும் இவர் தான் ஒளிப்பதிவாளர். ஆடுகளம் படத்திற்கு தேசிய விருது கிடைத்ததற்கு இவரது பங்கு அதிகளவில் இருக்கிறது. ஒளிப்பதிவாளர்களில் இயக்குநர் ஆன பெருமையும் இவருக்கு உண்டு.
விஐபி இயக்குநர்
வெற்றிமாறன் படங்களை தாண்டியும் பல்வேறு சூப்பர் ஹிட் படங்களுக்கு இவர் ஒளிப்பதிவு செய்துள்ளார். வை ராஜா வை, சங்கத்தமிழன், எங்கேயும் எப்போதும், கடைக்குட்டி சிங்கம் படங்களின் தரமும் ரசிகர்கள் மத்தியில் பாராட்டுக்களை அள்ளின. பொல்லாதவன் படத்தில் இருந்து தனுஷ் உடன் டிராவல் பண்ண வேல்ராஜ், 2014ம் ஆண்டு வெளியான தனுஷின் 25வது படமான வேலையில்லா பட்டதாரி படத்தையும் இயக்கி ஹிட் கொடுத்தார்.
Recommended Video
அந்த பட்டியலில்
தமிழ் சினிமாவின் பிரபல ஒளிப்பதிவாளர்களான கே.வி. ஆனந்த், ராஜிவ் மேனன், ரவி கே சந்திரன், ரவி வர்மன், சந்தோஷ் சிவன் உள்ளிட்ட ஒளிப்பதிவாளர்களுக்கு வழங்கப்பட்ட இந்த ISC அங்கீகாரம், தற்போது ஒளிப்பதிவாளர் வேல்ராஜுக்கும் வழங்கப்பட்டுள்ளது. திருவனந்தபுரத்தில் ISC அமைப்பின் தலைமையிடம் இருப்பது குறிப்பிடத்தக்கது.