வீரம் படத்துக்கு யு சான்று - தணிக்கைக் குழு பாராட்டு!

அஜீத் நடித்த வீரம் படத்துக்கு தணிக்கைக் குழு யு சான்றிதழ் வழங்கியுள்ளது.

விஜயா நிறுவனம் தயாரித்து சிவா இயக்கத்தில் பொங்கலுக்கு வெளியாகும் வீரம் படத்தின் சிறப்புக் காட்சி தணிக்கைக் குழுவுக்கு நேற்று போட்டுக் காட்டப்பட்டது.

படம் சிறப்பாக வந்திருப்பதாகக் கூறிய தணிக்கைக் குழு, எந்த கட்டும் இல்லாமல், அனைவரும் பார்க்கக் கூடிய படம் என்று யு சான்று வழங்கியுள்ளது.

இந்த விஷயத்தைக் கேள்விப்பட்டு மிகுந்த சந்தோஷப்பட்டாராம் அஜீத். படத்தின் இயக்குநருக்கு பாராட்டுகளையும் தெரிவித்துள்ளார்.

ஆனால் படம் வெளியாகும்போது, அதைப் பார்த்து ரசிக்க அஜீத் லோக்கலில் இருக்க மாட்டார். ரெஸ்ட் எடுக்க வெளிநாட்டுக்குப் பறந்துவிட்டிருப்பார் என்பது குறிப்பிடத்தக்கது.