நடிகர் பொன்வண்ணன் - சரண்யா மகள் திருமண வரவேற்பில் பங்கேற்ற ஸ்டாலின்.. பரிசு கொடுத்து அசத்தல்!

சிறந்த அம்மா

சரண்யாவும் தமிழ் சினிமாவில் ஏராளமான படங்களில் நடித்துள்ளார். ஹீரோயினாக அறிமுகமான சரண்யா, தற்போது அம்மா கேரக்டரில் நடித்து வருகிறார். தமிழ் சினிமாவின் சிறந்த அம்மா என்று சொல்லும் அளவுக்கு பல படங்களில் நடித்துள்ளார் சரண்யா பொன்வண்ணன்.

சினிமா நட்சத்திரங்கள்

இந்நிலையில் இவர்களின் மகளான பிரியதர்ஷினிக்கு திருமண வரவேற்பு நிகழ்ச்சி நேற்று சென்னையில் நடைபெற்றது. இதில் சினிமா நட்சத்திரங்கள் பலரும் பங்கேற்று நேரில் சென்று வாழ்த்து தெரிவித்தனர்.

ஸ்டாலின் பங்கேற்பு

மேலும் முதல்வர் முக ஸ்டாலின் மற்றும் நடிகரும் எம்.எல்.ஏவுமான உதயநிதி ஸ்டாலின் ஆகியோரும் நேரில் சென்று வாழ்த்து தெரிவித்துள்ளனர். கொரோனா விதிகளை பின்பற்றி முகக்கவசம் அணிந்த இருவரும் பங்கேற்றனர்.

மணமக்களுக்கு பரிசு

மேலும் மணமக்களுக்கு மரக்கன்றுகளையும் பரிசாக அளித்தனர். முதல்வர் ஸ்டாலின் பொன்வண்ணன் - சரண்யா மகளின் திருமண வரவேற்பில் பங்கேற்ற போட்டோக்கள் சமூக வலைதளங்களில் வைரலாகி வருகிறது.

ஷங்கர் மகள் திருமணம்

கடந்த வாரம் இயக்குநர் ஷங்கரின் மகள் திருமணத்தில் முதல்வர் ஸ்டாலின் மற்றும் உதயநிதி ஸ்டாலின் உள்ளிட்டோர் பங்கேற்றனர். அப்போதும் மணமக்களுக்கு மரக்கன்றுகளை ஸ்டாலின் பரிசாக வழங்கியது குறிப்பிடத்தக்கது.