Vijay son: விஜய் போலவே சஞ்சய்.. அப்பா வழியில் மகன்.. டிரெண்டாகும் குட்டி தளபதி!

சென்னை: தமிழ் சினிமாவின் உச்ச நட்சத்திரமாகவும், தமிழக அரசியல் களத்தின் முக்கிய சக்தியாகவும் விளங்கும் தமிழக முதல்வர் விஜய்யின் மகன் ஜேசன் சஞ்சய், தற்போது இயக்குனராகத் தன் முதல் அடியை எடுத்து வைத்துள்ளார். அவர் இயக்கி முடித்துள்ள 'சிக்மா' (Sigma) திரைப்படம் குறித்த எதிர்பார்ப்பு நாளுக்கு நாள் அதிகரித்து வரும் நிலையில், சமூக வலைத்தளங்களில் சஞ்சய் சம்பந்தப்பட்ட ஒரு கியூட் வீடியோ ரசிகர்களின் கவனத்தை ஈர்த்து வைரலாகி வருகிறது.

குட்டி 'தளபதி' வீடியோ: இணையத்தில் வெளியாகி இருக்கும் அந்த வீடியோவில், ஜேசன் சஞ்சய் ஒரு குட்டி குழந்தையுடன் சோஃபாவில் அமர்ந்து கலகலப்பாகப் பேசிக் கொண்டிருக்கிறார். அந்தப் புகைப்படங்களில், சோஃபாவில் படுத்திருக்கும் குழந்தையை சஞ்சய் அன்போடு கொஞ்சுவது பார்ப்பதற்கு ரசிக்கும் படி இருந்தது. இதில் கூடுதல் சுவாரசியம் என்னவென்றால், அந்த குட்டி பையன், தமிழக முதல்வர் விஜய் பொதுமேடைகளிலும், அரசியல் விழாக்களிலும் வழக்கமாக அணிந்து வரும் சந்தன நிற பேண்ட் மற்றும் வெள்ளை நிற சட்டை அணிந்து இருக்கிறார். இதைப் பார்த்த ரசிகர்கள், விஜய்யின் அரசியல் கெட்டப்பை இந்த வயசுலேயே காப்பியா என கமெண்ட் செய்து வருகின்றனர்.

இயக்குனராக சஞ்சய்யின் 'சிக்மா': நடிகர் விஜய்யின் மகன் என்பதால் சஞ்சய் ஹீரோவாகத் தான் அறிமுகமாவார் என்று அனைவரும் எதிர்பார்த்தார்கள். ஆனால், தனக்குத் திரைக்கதை மற்றும் இயக்கத்தின் மீது தான் ஆர்வம் அதிகம் என்று கூறி அனைவரையும் ஆச்சரியப்படுத்தும் வகையில், லண்டனில் சினிமா இயக்கம் குறித்துப் படிப்பை படித்து மடித்துவிட்டு, லைகா புரோடக்ஷன்ஸ் தயாரிப்பில் முதல் படத்தை இயக்கியுள்ளார். படத்திற்கு 'சிக்மா' (Sigma) என்று பெயரிடப்பட்டு, படத்தின் ஒட்டுமொத்தப் படப்பிடிப்பும் முடிக்கப்பட்டு அடுத்த கட்ட பணிகள் நடந்து வருகிறது. விறுவிறுப்பான ஆக்ஷன் த்ரில்லர் கதையாக உருவாக இருக்கும் இந்த படம் விரைவில் வெளியாகும் என எதிர்பார்க்கப்படுகிறது. அப்பாவை போலவே சஞ்சய்யும் தன் முதல் படத்திலேயே சினிமா உலகில் பெரிய தாக்கத்தை ஏற்படுத்துவார் என்று எதிர்பார்க்கப்படுகிறது.

மாஸ் காட்டும் தந்தை: ஒருபுறம் மகன் சஞ்சய் இயக்குனராகத் தன் திறமையைக் காட்டி வர, மறுபுறம் தந்தை விஜய் தமிழக முதல்வராகத் தன் அரசியிலில் மாஸ் காட்டி வருகிறார். சினிமாவைத் தாண்டி நிஜ வாழ்க்கையிலும் மக்களின் நாயகனாக வலம் வரும் விஜய்யின் நிழலாக, அவரது மகன் சஞ்சய் இருக்கிறார் என்பதை இந்த வீடியோ உணர்த்தி உள்ளது. இந்த கியூட் வீடியோவை தற்போது தளபதி ரசிகர்களால் சமூக வலைத்தளங்களில் வேகமாக டிரெண்டாகி வருகிறது.