ஐபோன் கொடுத்த தயாரிப்பாளருக்கு..கூல் சுரேஷ் கொடுத்த பரிசு என்ன தெரியுமா?

வெந்து தணிந்தது காடு

விண்ணைத்தாண்டி வருவாயா என்ற ரொமான்டிக் படத்தை கொடுத்த கௌதம் மேனனுடன் மீண்டும் இணைந்து சிம்பு வெந்து தணிந்தது காடு என்ற கேங்ஸ்டார் படத்தில் நடித்துள்ளார். ஜெயமோகனின் ஐந்து நெருப்புகள் என்ற கதையை அடிப்படையாக வைத்து உருவான படத்துக்கு ஏ.ஆர். ரஹ்மான் இசையமைத்துள்ளார்.

வாரிக்குவிக்கும் வசூல்

வேல்ஸ் நிறுவனம் தயாரித்துள்ள இப்படமானது கடந்த 15ஆம் தேதி திரையரங்குகளில் வெளியானது. படம் விமர்சன ரீதியாகவும், வசூல் ரீதியாகவும் பாராட்டை பெற்று வருகிறது. ஏ.ஆர் ரஹ்மானின் இசை அனைவரையும் ஆட்டம் போடவைத்துவிட்டது எனலாம், குறிப்பாக மல்லிப்பூ பாடல் பலரின் பேவரைட் பாடலாக மாறி ரசிகர்கள் அந்த பாடலை திரும்ப திரும்ப கேட்டு வருகின்றனர்.

சிம்புவுக்கு கார் பரிசு

வெந்து தணிந்தது காடு திரைப்படத்தின் வெற்றியால் மகிழ்ச்சி அடைந்த தயாரிப்பாளர் ஐசரி கௌதம் வாசுதேவ மேனனுக்கு ராயல் என்ஃபீல்ட் பைக்கை பரிசாக அளித்தார். அதே போல, நடிகர் சிம்புவுக்கு டொயாடோ வெல்ஃபையர் என்ற உயர்தர சொகுசு கார் ஒன்றை பரிசாக அளித்தார். அந்த காரின் விலை ரூ 93லட்சம் என கூறப்படுகிறது.

ஐபோன் பரிசு

இந்த படத்திற்கு வெந்து தணிந்தது காடு என பெயர் வைத்ததுமே படத்தை ப்ரோமோஷன் செய்யும் வகையில், . "வெந்து தணிந்தது காடு... எஸ்டிஆருக்கு வணக்கத்த போடு"என்றும் எந்த படத்திற்கு சென்றாலும் "வெந்து தணிந்தது காடு" படத்தை படத்தை மறக்காமல் ப்ரோமோஷன் செய்த கூல் சுரேஷூக்கு தயாரிப்பாளர் ஐசரி கணேஷ் ஐபோன் ஒன்றை பரிசாக அளித்துள்ளார்.

வித்தியாசமான பரிசு

ஐபோன் கொடுத்த தயாரிப்பாளருக்கு நன்றி தெரிவிக்கும் வகையில் கூல் சுரேஷ் ஐசரி கணேஷுக்கு குச்சி மிட்டாயில் வெந்து தணிந்தது காடு ஐசரி கணேஷுக்கு வணக்கத்தை போடு என்ற வாசகத்துடன் வித்தியாசமான பரிசு ஒன்றை கொடுத்துள்ளார். இந்த அன்பு பரிசை ஐசரி கணேஷ் மகிழ்ச்சியுடன் வாங்கிக்கொண்டார்.