Don't Miss!
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- News வாரிசு அரசியலால் ஈரோடு மதிமுக எம்பி படுகொலை செய்யப்பட்டுள்ளார்.. ஸ்டாலின், வைகோவை சாடிய தமிழிசை
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
அட நம்ம வையாபுரியா இது…அசத்தலான கெட்டப்பில் தாறுமாறான போஸ் !
சென்னை : கமல்ஹாசன், ரஜினிகாந்த், விஜய், அஜித் உள்ளிட்ட முன்னணி நடிகர்களுடன் இணைந்து நடித்திருக்கும் வையாபுரி, தற்போதைய இளையதலைமுறை நடிகர்களுடனும் நடித்து வருகிறார்.
காமெடி நடிகராக மட்டுமே பரிச்சையமான வையாபுரி, 'பிக் பாஸ்' நிகழ்ச்சிக்குப் பிறகு காமெடி வேடங்களுடன் குணச்சித்திர வேடங்களுக்கும் கச்சிதமாக பொருந்துவார், என்ற நம்பிக்கையை பல இயக்குநர்களுக்கு கொடுத்திருக்கிறார்.
பாலாஜியை வெளியேற்றுங்கள்.. அல்லது ஏ சர்ட்டிஃபிகேட் கொடுங்கள்.. பிரபல இசையமைப்பாளர் ஆவேசம்!
இந்த நிலையில், புத்தாண்டில் புது முயற்சி மேற்கொள்ளும் விதமாக போட்டோ ஷூட் ஒன்றை நடிகர் வையாபுரி நடத்தியுள்ளார். மிக வித்தியாசமான கெட்டப்போடு இருக்கும் வையாபுரியின் போட்டோஷூட் புகைப்படங்கள், சமூக வலைதளங்களில் வெளியாகி வைரலாகி வருவதோடு, இளைஞர்கள் அந்த புகைப்படங்களை வைத்து பல மீம்ஸ்களை உருவாக்கி டிரெண்டிங் ஆக்கி வருகிறார்கள்.
ஹாட் டாப்பிக்
"யாரு...ஹாலிவுட் நடிகரா இவரு, இல்லப்பா நம்ம ஊரு வையாபுரிப்பா...", "தினேஷ் கார்த்திக் செமயா இருக்காருல, யோவ் அது வையாபுரி யா" இப்படி பல வகையில் வையாபுரியின் போட்டோ ஷூட் புகைப்படங்களை வைத்து நெட்டிசன்கள் மீம்ஸ்களை உருவாக்கி வெளியிட்டு வர, தற்போது கோலிவுட்டின் ஹாட் டாப்பிக்காகியுள்ளது வையாபுரியின் புகைப்படங்கள்.
முதல் முறை
ட்விட்டர், இன்ஸ்டாகிராம், ஃபேஸ்புக் என்று சோசியல் மீடியா முழுவதும் வையாபுரியின் போட்டோ ஷூட் புகைப்படங்கள் வலம் வர, இது பற்றி அவரிடமே கேட்ட போது, "புத்தாண்டில் புதுசாக எதாவது செய்ய வேண்டும் என்று ரொம்ப சாதாரணமாக எடுத்த போட்டோ ஷூட் தான் இது. இதுவரை நான் போட்டோ ஷூட்டே எடுத்ததில்லை. இது தான் முதல் முறை. இந்த போட்டோக்களை என் திரையுலக நண்பர்களுக்கு அனுப்பி வைத்தேன். ஆனால், நானே எதிர்ப்பார்க்காத அளவுக்கு என் புதிய கெட்டப் புகைப்படங்களை மக்கள் வைரலாக்கி வருகிறார்கள்.
அனைத்து வேடங்களிலும் நடிக்க
சில மணி நேரங்களில் பல லட்சம் லைக்குகளை பெற்றிருப்பதாக கூறுகிறார்கள். எனது புதிய முயற்சிக்கு மக்கள் இவ்வளவு பெரிய ஆதரவு கொடுத்தது மிகவும் சந்தோஷமாக இருக்கிறது.இயக்குநர்கள் பலர் தொலைபேசி மூலம் வாழ்த்து தெரிவித்து வருவதோடு, திரைப்படங்களிலும் உங்களை வேறு மாதிரி காட்டணும், என்று கூறுகிறார்கள். இது என் பல நாள் கனவு. காமெடி கதாப்பாத்திரங்களில் மட்டும் அல்லாமல், அனைத்து வேடங்களிலும் நடிக்க நான் ரெடியாக இருக்கிறேன். எனது இந்த ஆசையை இந்த போட்டோ ஷூட் வெளியுலகிற்கு தெரியப்படுத்தியிருப்பது இரட்டிப்பு மகிழ்ச்சியாக இருக்கிறது.
புது திருப்பம் ஏற்படும்
இயக்குநர்கள் ஆனந்த் சங்கர், பி.எஸ்.மித்ரன் உள்ளிட்டவர்கள் என்னை பார்க்கும் போதெல்லாம், "சார் உங்களை காமெடி நடிகராக இல்லாமல், வேறு ஒரு வேடத்தில் காட்டணும் சார்" என்று சொல்வார்கள், இந்த புகைப்படங்கள் அதை நிஜமாக்கியுள்ளது. எனவே, இந்த புத்தாண்டில் எனது சினிமா வாழ்க்கையில் புது திருப்பம் ஏற்படும் என்ற நம்பிக்கை ஏற்பட்டுள்ளது.காமெடி வேடத்தில் மட்டும் இன்றி, எந்த வேடமாக இருந்தாலும் நடிக்க ரெடி. அப்பா, அண்ணன் உள்ளிட்ட குணச்சித்திர வேடங்களிலும் ஒரு கலக்கு கலக்கப் போகிறேன்." என்று புத்துணர்ச்சியுடன் கூறினார்.
குணச்சித்திர நடிகராகவும்
தற்போது எழில் இயக்கத்தில் இரண்டு படங்கள், ட்ரீம் வாரியர் தயாரிப்பில் ஷர்வானந்த் நடிப்பில் தமிழ் மற்றும் தெலுங்கில் உருவாகும் படம், ஷக்தி சிதம்பரம் இயக்கத்தில் ‘பேய் மாமா' உள்ளிட்ட பல படங்களில் நடித்து வரும் வையாபுரி, அறிமுக இயக்குநர் இயக்கத்தில் உருவாகும் படம் ஒன்றில் கதாநாயகியின் தந்தை வேடத்தில் நடித்து வருகிறார்.புத்தாண்டில் புதிய முயற்சி மேற்கொண்டு அதில் வெற்றி பெற்றிருக்கும் நடிகர் வையாபுரியை காமெடி நடிகராக கொண்டாடிய கோலிவுட், நல்ல குணச்சித்திர நடிகராகவும் கொண்டாட வேண்டும், என்று வாழ்த்துவோம்.