அஸ்வின் ரொம்ப ஹாப்பி.. கோலாகலமாக அரங்கேறிய குக் வித் கோமாளி அஸ்வினின் என்ன சொல்ல போகிறாய் பட பூஜை!

அஸ்வின் படத்துக்கு பூஜை

குக் வித் கோமாளி மூலம் ரசிகர்கள் மனங்களில் இடம்பெற்ற நடிகர் அஸ்வின் ஹீரோவாக கமீட் ஆகியுள்ள என்ன சொல்ல போகிறாய் எனும் படத்தின் பூஜை இன்று டிரைடன்ட் ஆர்ட்ஸ் தயாரிப்பு அலுவலகத்தில் நடைபெற்றது. அதன் லைவ் வீடியோவை டிரைடன்ட் ஆர்ட்ஸ் யூடியூப் தளத்திலேயே வெளியிட்டனர்.

ஹீரோ அஸ்வின்

துணை நடிகராக நடித்து வந்த அஸ்வின் குட்டி பட்டாஸ் வீடியோ ஆல்பம் பாடலில் ஹீரோவாக கலக்கி இருந்தார். சினிமாவில் ஹீரோவாக வேண்டும் என்கிற அவருடைய நீண்ட ஆசை தற்போது நிறைவேறி இருக்கிறது. அஸ்வின் நடிப்பில் உருவாக உள்ள என்ன சொல்ல போகிறாய் படத்தின் பூஜை இன்று போடப்பட்டுள்ளது.

புகழ் தான் காமெடி

குக் வித் கோமாளி நிகழ்ச்சியில் கலாட்டா காமெடி செய்து வந்த நடிகர் புகழ் சிவகார்த்திகேயனின் டான், விஜய்சேதுபதியுடன் ஒரு படம் என ஏகப்பட்ட படங்களில் ஒப்பந்தமாகி உள்ள நிலையில், தனது நண்பன் அஸ்வின் ஹீரோவாக நடிக்கும் இந்த படத்திலும் காமெடியனாக கலக்க உள்ளார்.

ரெண்டு லட்டு

விளம்பர படங்களில் நடித்து வரும் பெங்களூரு மாடலான அவந்திகா மற்றும் கவினின் அஸ்குமாரோ பாடலில் நடனமாடிய தேஜு என இரண்டு நடிகைகள் அஸ்வினின் என்ன சொல்ல போகிறாய் படத்தில் ஜோடியாக நடிக்க உள்ளனர். இந்த இருவரில் யாரிடம் அஸ்வின் என்ன சொல்ல போகிறாய் என கேட்கப் போகிறார் என்பது படம் வெளியானால் தெரிந்து விடும்.