எஸ்.பி.பி சரண் குழுவில் சிவாங்கி..விஜய் டிவியில் இருந்து எங்கேயோ போயிட்டாங்களே!

ஷிவாங்கி

விஜய் தொலைக்காட்சியில் எத்தனையோ ரியாலிட்டி ஷோக்கள் வந்தாலும் ஒரு சில நிகழ்ச்சிகள் மக்களின் மத்தியில் நல்ல வரவேற்பை பெற்று இருக்கிறது. அந்த வகையில் மூன்று வருடமாக ஒளிபரப்பாகி வரும் குக் வித் கோமாளி நிகழ்ச்சிக்கு ரசிகர்கள் மத்தியில் நல்ல பெயர் கிடைத்துள்ளது. முதல் சீசனுக்கு கிடைத்த வரவேற்பை தொடர்ந்து தற்போது மூன்றாவது சீசன் ஒளிபரப்பானது.

குக் வித் கோமாளி

இந்த சீசன் வெற்றி பெற்றதற்கு முக்கிய காரணமே இந்த நிகழ்ச்சியில் வரும் கோமாளிகள் தான். முதலில் இந்த நிகழ்ச்சி ஒளிபரப்பாகும் போது சமையல் நிகழ்ச்சியில் கோமாளிக்கு என்ன வேலை என நினைக்க வைத்தது. ஆனால், இந்த நிகழ்ச்சி பலரின் கவலையை மறந்து சிரிக்கவைக்கும் நிகழ்ச்சியாக மாறியுள்ளது. இந்த நிகழ்ச்சியில் கோமாளிக்கு இணையாக நிகழ்ச்சியின் நடுவர்களாக இருந்த வெங்கடேஷ் பட் மற்றும் தாமு காமெடியிலும் கலக்கினார்கள்.

போட்டோஷூட்

குக் வித் கோமாளி நிகழ்ச்சி மூலம் மக்கள் மத்தியில் பிரபலமானவர் சிவாங்கி அந்த நிகழ்ச்சியில் வித்தியாசமான கெட்டப்பில் வந்து ரசிகர்களை மகிழ்வித்தார். பிரபல பின்னனி பாடகியான பின்னி கிருஷ்ணகுமாரின் மகளான சிவாங்கி, அவ்வப்போது விதவிதமான உடைகளில் போட்டோஷூட் நடத்தி அதனை தனது இன்ஸ்டாகிராம் பக்கத்தில் பகிர்வதை வழக்கமாக கொண்டுள்ளார்.

எஸ்.பி.பி சரணுடன்

இந்நிலையில், பல்வேறு இசைக் கச்சேரிகளிலும் பங்கேற்று வரும் ஷிவாங்கி தற்போது கனடாவில் நடைபெற்றுவரும் ராகா ஃபெஸ்ட் நிகழ்ச்சியில் பங்கேற்பதற்காக டொரெண்டோ சென்றுள்ளார். அங்கு, எஸ்.பி.பி சரண் குழுவுடன் இணைந்து நிகழ்ச்சிக்காக ரிகசல் எடுத்து வருகிறார். இந்த புகைப்படங்கள் தற்போது இணையத்தில் வைரலாகி வருகின்றன.