நகையை விற்று குதிரையை வாடகைக்கு எடுத்து வந்தேன்..10 ஆட்களை அழைத்து வந்தேன் கூல் சுரேஷ்!

பொன்னியின் செல்வன்

பொன்னியின் செல்வன் டிரைலர் மற்றும் இசை வெளியீட்டு விழா கடந்த செப்டம்பர் 6ம் தேதி பிரம்மாண்டமாக நடைபெற்றது. தமிழ், இந்தி, மலையாளம்,கன்னடம், தெலுங்கு 5 மொழிகளில் உருவாகியுள்ள இப்படத்தின் முதல் பாகம் இன்று உலகமெங்கும் ரிலீசானது. சோஷியல் மீடியா, ஊடகம் மற்றும் பொன்னியின் செல்வன் குறித்த பேச்சுதான்.

ப்ரோமோஷன் டூர்

அதிகாலை சிறப்பு காட்சியுடன் இன்று திரையரங்கில் குவிந்துள்ள மக்கள் ஆரவாரத்துடன் படத்தை ரசித்து வருகின்றனர். கேரளா, பெங்களூர், ஹைதராபாத், மும்பை, டெல்லி ஆகிய இடங்களில் படத்தின் ப்ரோமோஷன் பணியில் படக்குழுவினர் முழுமூச்சாக ஈடுபட்டனர். இந்த பொன்னியின் செல்வன் ப்ரோமோஷன் டூருக்கு சென்ற இடம் எல்லாம் சிறப்பு கிடைத்தது.

குதிரையில் என்ட்ரி

பிரம்மாண்டமாக ரிலீசாகி இருக்கும் மணிரத்னத்தின் பொன்னியின் செல்வன் படத்தை காண இன்று அதிகாலை தியேட்டருக்கு வந்த கூல் சுரேஷின் எண்ட்ரியை பார்த்து பலரும் வியந்து போனார்கள். ஏனெனில் அவர் மாஸாக குதிரையில் எண்ட்ரி கொடுத்தார். அதுமட்டுமின்றி கையில் வெந்து தணிந்தது காடு பொன்னியின் செல்வனுக்கு வணக்கத்த போடு என்கிற வாசகம் அடங்கிய பேனரையும் கையில் வைத்துக்கொண்டு மாஸ் என்ட்ரி கொடுத்தார்.

செயினை அடமானம் வைத்தார்

பின்னர் செய்தியாளர்களை சந்தித்த அவர், படம் சிறப்பாக இருப்பதாக தெரிவித்தார். மேலும், தான் வந்த குதிரை பொன்னியின் செல்வன் படத்தில் விக்ரம் பயன்படுத்திய குதிரை என்றும் அந்த குதிரை வாடகைக்காக செயினை அடமானம் வைத்தாகவும் தெரிவித்துள்ளார்.