அப்போ பாரசைட்.. இப்போ கொரோனா.. என்ன கிரியேட்டிவிட்டி.. கே.எஸ். ரவிக்குமாரை சுற்றும் செம மீம்!

மின்சார கண்ணா

கே.எஸ். ரவிக்குமார் இயக்கத்தில் விஜய், ரம்பா, குஷ்பு, மணிவண்ணன் உள்ளிட்ட பலர் நடிப்பில் வெளியான மின்சார கண்ணா படத்தின் கதையும் இந்த ஆண்டு 4 ஆஸ்கர் விருதுகளை தட்டிச் சென்ற கொரிய திரைப்படமான பாரசைட் படத்தின் கதையும் ஒன்று தான். மேக்கிங்கில் வேறுபட்டு இருந்தாலும், மூலக் கதையில் இரு படங்களுக்கு இடையே 80% ஒற்றுமை இருப்பது ஆச்சர்யத்தை ஏற்படுத்தியது.

ரணகளத்திலும் குதூகலம்

உலகளவில் 1,97,135 பேருக்கு கொரோனா பாதிப்பு ஏற்பட்டுள்ளது. 8000க்கும் மேற்பட்டோர் இந்த கொடிய வைரஸ் தாக்கி பலியாகி உள்ளனர். இந்தியாவில், 147 பேருக்கு கொரோனா பாதிப்பு ஏற்பட்டுள்ளது. தமிழகத்திலும், கொரோனா வைரஸ் பரவி வருகிறது. இப்படி இருக்க, மீம் கிரியேட்டர்கள் கொரோனா வைரஸை வைத்து மீம் போட்டு விளையாடி வருகின்றனர்.

வைரலாகும் மீம்

கொரோனா வைரஸ் பாதிக்கப்பட்ட மக்களை ஒதுக்கி வைத்து தனிமைப்படுத்தி வருகின்றனர். நாட்டாமை படத்தில், ஊரை விட்டு ஒதுக்கி வைக்கும் கதையை கே.எஸ். ரவிக்குமார் இயக்கி இருந்தார். அதே போல, படையப்பா படத்தில், நீலம்பரி கதாபாத்திரம் 18 வருஷம், ஒரே அறையில் சிறைபட்டு குவாரன்டின் செய்யப்பட்டிருந்ததை வைத்து மீம் போட்டு தெறிக்க விட்டுள்ளனர்.

தசாவதாரம்

கே.எஸ். ரவிக்குமார் இயக்கத்தில் உலக நாயகன் கமல்ஹாசன் 10 வேடங்களில் நடித்த தசாவதாரம் படத்தின் கதையே, மிக கொடிய வைரஸிடம் இருந்து உலகத்தை காப்பாற்றுவது தான். கொரோனா வைரஸும் உலகளவில் தற்போது, மிகப்பெரிய பாதிப்புகளை உருவாக்கி வரும் நிலையில், கே.எஸ். ரவிக்குமார் ஒரு தீர்க்கத்தரிசி என மீம் க்ரீயேட்டர்கள் பாராட்டி வருகின்றனர்.