மாஸ்க் போடலையோ மாஸ்க்.. முகமூடி மாயாவிகளாக மாறிய இந்திய நடிகர்கள்.. கொரோனான்னா சும்மாவா!

பாகுபலி ஆகிய நான்

பாகுபலியா இருந்தா மட்டும் கொரோனா வைரஸ் சும்மா விட்ருமா என்ன? ஆனாலும், நம்ம பிரபாசுக்கு தைரியம் ஜாஸ்தி தான். கொரோனா வைரஸ் பீதியால், பல பெரிய படங்களின் வெளிநாட்டு ஷூட்டிங் நிறுத்தப்பட்டுள்ள நிலையில், தனது படத்திற்கான ஷூட்டிங்கிற்காக ஜார்ஜியா பறந்துள்ளார். மாஸ்க் அணிந்த முகத்துடன் நம்ம சாஹோ ஏர்போர்ட் சென்ற புகைப்படங்கள் சமூக வலைதளங்களில் வைரலாகி வருகிறது.

வைரஸை ஏமாத்த முடியாதே

தேசிங் பெரியசாமி இயக்கத்தில் சமீபத்தில் வெளியான துல்கர் சல்மானின் கண்ணும் கண்ணும் கொள்ளையடித்தால் படத்தில், துல்கர் சல்மான், கவுதம் வாசுதேவ் மேனன் என பலரையும் தனது காதல் வலையில் விழவைத்து ஏமாற்றிய ரிது வர்மா, கொரோனா வைரஸ் அச்சத்தால், மாஸ்க் அணிந்து சுற்றும் புகைப்படங்களும் வைரலாகி வருகின்றன.

ரிஸ்க் வேணாம்பா

பிரபல பாலிவுட் நடிகை பிரியங்கா சோப்ராவின் தங்கையும் நடிகையுமான பரிணீதி சோப்ராவும், கொரோனா வைரஸ் தாக்காமல் இருக்க முன்னெச்சரிக்கை நடவடிக்கையாக முகத்தில் மாஸ்க் அணிந்து வலம் வருகிறார். மேலும், பாலிவுட் ரசிகர்களுக்கு, விழிப்புணர்வு ஏற்படுத்தும் விதமாக மாஸ்க் அணிந்து செல்ல வேண்டிய அவசியத்தை வலியுறுத்தும் விழிப்புணர்வு விளம்பரத்திலும் நடித்துள்ளார்.

புட்ட பொம்மா

அல்லு அர்ஜுன் நடிப்பில் இந்த ஆண்டு துவக்கத்தில் வெளியான அலா வைகுந்த புரமுலோ படத்தில் தனது தொடையழகை காட்டி ரசிகர்களை மயக்கிய புட்ட பொம்மா பூஜா ஹெக்டே, ஜார்ஜியாவில் நடைபெறும் பிரபாஸ் படத்தின் ஷூட்டிங்கிற்காக மாஸ்க் அணிந்து விமான நிலையத்தில் காத்திருந்த போது, கிளிக்கிய புகைப்படங்களும் சோஷியல் மீடியாவில் கொரோனாவை விட வைரலாக பரவி வருகிறது.

நானும் மாஸ்க் மாட்டியிருக்கேன்

RX 100, RDX லவ், வெங்கி மாமா, டிஸ்கோ ராஜா உள்ளிட்ட பல ஹிட் படங்களில் நடித்து வரும் நடிகை பயல் ராஜ்புது, நானும் மாஸ்க் மாட்டியிருக்கேன் என செம ஹேப்பியாக போஸ் கொடுத்துள்ள புகைப்படங்கள் அவரது ரசிகர்கள் மத்தியில் லைக் செய்யப்பட்டு வருகிறது. பாலிவுட், டோலிவுட், கோலிவுட் என இந்தியா சினிமா நடிகர்கள் மொத்தமும் இப்போது மாஸ்க் முகங்களாகவே திரிகின்றனர்.