தலைப்பு பிரச்சனை: சசிகுமாரின் 'சுந்தரபாண்டியன்' படத்துக்கு தடை!

By Shankar

| Updated: Tuesday, September 11, 2012, 18:37 [IST]

தமிழ் சினிமாவில் தலைப்பு சண்டை தலை விரித்தாட ஆரம்பித்துவிட்டது. புதிதாக யோசிப்பதில் அத்தனை சிக்கல், படைப்பாளிகளுக்கு!!

இந்த சண்டையில் லேட்டஸ்ட் வரவு சசிகுமார் நடித்து, இந்த வெள்ளிக்கிழமை ரிலீசாகவிருக்கும் சுந்தரபாண்டியன்!

சசிகுமார் ஹீரோவாக நடிக்க, அவரது சிஷ்யர் எஸ் ஆர் பிரபாகரன் இயக்கியுள்ள படம் சுந்தரபாண்டியன்.

இந்தப் படத்தின் ஆடியோ ரிலீஸ் சமயத்தில், இன்னொரு 'சுந்தரபாண்டியன்' விளம்பரம் வந்தது. இது நடிகர் கார்த்திக் முன்னணி நடிகராக இருந்த காலகட்டத்தில் உருவான படம். இத்தனை ஆண்டுகள் கழித்து இப்போது வெளியிடப் போவதாக விளம்பரம் வர ஒரே குழப்பம்.

இதுகுறித்து சசிகுமாரிடம் சுந்தரபாண்டியன் பிரஸ்மீட்டில் கேட்டபோது, "இந்தத் தலைப்பை வைக்க எங்களுக்கு தயாரிப்பாளர் சங்கம் அனுமதி அளித்துள்ளது," என்றார்.

இப்போது, கார்த்திக் நடித்த சுந்தரபாண்டியன் படத்தின் தயாரிப்பாளர்களான் ஜூபிடர் பிலிம் மேக்கர்ஸ், சசிகுமார் படத்துக்கு எதிராக வழக்குப் போட, நீதி மன்றம் புதிய சுந்தரபாண்டியனுக்கு தடைவிதித்துள்ளது.

வரும் வெள்ளிக்கிழமை சசிகுமாரின் படம் வெளியாகவிருப்பதாக விளம்பரங்கள் வந்த நிலையில் இந்தத் தடையுத்தரவு வந்திருப்பது குறிப்பிடத்தக்கது.