ஆபாச பாட்டு... அமீர் கானுக்கு நோட்டீஸ்!

படு ஆபாசமான, கெட்ட வார்த்தைகள் கொண்ட பாடல் வரிகள் அமீர் கானின் சொந்தப் படத்தில் இடம்பெற்றுள்ளதால், அதை நீக்கக் கோரி நீதிமன்றத்தில் வழக்கு தொடரப்பட்டுள்ளது.

இந்தி நடிகர் அமீர்கான் 'டெல்லி பெல்லி' என்ற படத்தை தயாரித்துள்ளார். இதில் ஒரு பாடல் காட்சியில் நடித்துள்ளார். இந்த பாடல் வரிகள் ஆபாசமாகவும் அறுவறுப்பாகவும் உள்ளதாக எதிர்ப்பு கிளம்பியுள்ளது.

எனவே பாடலை தடை செய்யக் கோரி அலகாபாத் உயர் நீதிமன்றத்தில் வழக்கு தொடரப்பட்டு உள்ளது. மிகக் கேவலமான இந்தப் பாட்டை தடை செய்ய வேண்டும் என்று மனுவில் வலியுறுத்தியுள்ளனர்.

நீதிமன்றம் இந்த மனு மீது விசாரணை நடத்தியது. இதில் விளக்கம் அளிக்கும்படி அமீர்கானுக்கு நோட்டீஸ் அனுப்பி கோர்ட்டு உத்தரவிட்டது. தணிக்கை குழுவுக்கும் நோட்டீஸ் அனுப்பப்பட்டு உள்ளது. அமீர்கான் இரண்டு வாரத்துக்குள் பதில் அளிக்க வேண்டும் என்று அந்த நோட்டீசில் குறிப்பிடப்பட்டுள்ளது.

வழக்கு விசாரணை அடுத்த மாதம் (ஆகஸ்டு) 9-ந்தேதிக்கு தள்ளி வைக்கப்பட்டு உள்ளது.