Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
மீண்டும் சிக்கல்..இன்று ரிலீஸ் ஆவதாக இருந்த விமலின் 'கன்னி ராசி' படத்துக்கு நீதிமன்றம் திடீர் தடை!
சென்னை: விமல் நடித்துள்ள 'கன்னி ராசி' திரைப்படத்திற்கு சென்னை சிட்டி சிவில் நீதிமன்றம் இடைக்கால தடை விதித்துள்ளது.
விமல், வரலட்சுமி சரத்குமார் நடித்துள்ள படம், கன்னி ராசி. எஸ்.முத்துக்குமரன் இயக்கி உள்ளார்.
மற்றும் பாண்டியராஜன், ரோபோ சங்கர், யோகி பாபு உட்பட பலர் நடித்துள்ளனர். கிங் மூவி மேக்கர்ஸ் தயாரித்துள்ளது.
லாக்டவுனுக்கு முன்
காதல், காமெடி, மற்றும் குடும்ப பின்னணியில் உருவாகி இருக்கும் இந்தப்படம் கொரோனா லாக்டவுனுக்கு முன்பே வெளியாக இருந்தது. ஆனால் வெளியாகவில்லை. இந்நிலையில், இன்று (நவம்பர் 27) வெளியாக இருப்பதாக படக்குழுவினர் அறிவித்திருந்தனர். ஆனால், இன்றும் படம் ரிலீஸ் ஆகவில்லை.
மீடியா டைம்ஸ்
இந்தப் படத்தின் தமிழ்நாடு, கேரளா, கர்நாடகா மற்றும் புதுச்சேரிக்கான விநியோக உரிமையை மீடியா டைம்ஸ் என்ற நிறுவனத்திற்கு வழங்கப்பட்டது. இதற்காக படத்தயாரிப்பாளர் ஷமீன் இப்ராஹிமுக்கு 17 லட்சம் ரூபாயை, மீடியா டைம்ஸ் நிறுவனர் அல்டாப் ஹமீது வழங்கியுள்ளார்.
சிட்டி சிவில் நீதிமன்றம்
ஆனால், ஒப்பந்தத்தின் போது உறுதி அளித்ததை போல 2018 ஆம் ஆண்டுக்குள் படத்தை, தயாரிப்பாளர் ஷமீன் இப்ராஹிம் வெளியிடவில்லை. இந்நிலையில், 'கன்னி ராசி ' திரைப்படம் இன்று வெளியாகும் என தயாரிப்பு நிறுவனம் அறிவித்திருந்தது. இந்நிலையில், இந்தப் படத்துக்கு எதிராக மீடியா டைம்ஸ் சார்பில் சென்னை சிட்டி சிவில் நீதிமன்றத்தில் வழக்கு தொடரப்பட்டது.
தடை விதிக்கணும்
தமிழ்நாடு, கேரளா, கர்நாடகா மற்றும் புதுச்சேரிக்கான வினியோக உரிமைக்காக, தன்னிடம் 17 லட்சம் ரூபாய் பெற்றுக்கொண்டு வேறு நிறுவனம் மூலமாக படம் வெளியிட தடை விதிக்க வேண்டும் எனவும், தன்னிடம் பெறப்பட்ட தொகைக்கு வட்டியுடன் சேர்த்து 21 லட்சத்து 8 ஆயிரம் ரூபாய் வழங்க வேண்டும் என உத்தரவிடக்கோரி அந்த மனுவில் கூறியிருந்தனர்.
இடைக்காலத் தடை
இந்த வழக்கை விசாரித்த நீதிபதி, கன்னிராசி திரைப்படத்தை வெளியிட இடைக்காலத் தடை விதித்து உத்தரவிட்டார். மேலும், இந்த மனு தொடர்பாக, டிசம்பர் 7ஆம் தேதிக்குள் பதிலளிக்க கிங் மூவி மேக்கர்ஸ் தயாரிப்பாளர் ஷமீன் இப்ராஹிமுக்கு அவர் உத்தரவிட்டார். இதனால் இன்று வெளியாவதாக இருந்த கன்னிராசி படம் வெளியாகவில்லை.