ஐந்தாறு இடத்தில் ஆழமான வெட்டு.. பதற வைக்கும் மதுவின் கை காயம்.. ஷாக் போட்டோ வெளியிட்ட டேனி!

செய்தியாளர் சந்திப்பு

இதையடுத்து நேற்று தான் முதல் முறையாக செய்தியாளர்களை சந்தித்தார் மதுமிதா. பிக் பாஸ் வீட்டில் தனக்கு என்ன நேர்ந்தது என்பது குறித்து அவர் விரிவாக பேசினார். அப்போது அவர் தெரிவித்த பல விசயங்கள் பரபரப்பை ஏற்படுத்தும் விதத்தில் அதிர்ச்சிகரமாக இருந்தது.

டேனியல்

இந்நிலையில் பிக் பாஸ் வீட்டில் மது தனது கையை அறுத்துக்கொண்டதால் ஏற்பட்ட காயத்தின் புகைப்படத்தை, நடிகரும், கடந்த சீசன் பிக் பாஸ் போட்டியாளருமான டேனி தனது இன்ஸ்டாகிராம் பக்கத்தில் வெளியிட்டுள்ளார். "நான் ஏன் மதுவுக்கு ஆதரவாக குரல் கொடுத்தேன் என்பதை இந்த போட்டோவை ஜூம் செய்து பார்த்து தெரிந்துகொள்ளுங்கள்" என அதில் டேனி குறிப்பிட்டுள்ளார்.

ஆழமான காயம்

இடது முழங்கையில் உள்பக்கத்தில் ஐந்தாறு இடங்களில் ஆழமாக வெட்டு பட்டுள்ளது போட்டோவில் தெரிகிறது. இந்த காயத்தை பார்க்கும் போது நிச்சயம் நிறைய ரத்தம் வீணாகியிருக்கும் என்பதை புரிந்துகொள்ள முடிகிறது. இந்த புகைப்படத்தைப் பார்த்து மதுமிதாவின் நிலையை நினைத்து ஆதங்கப்பட்டுள்ளனர் சில ரசிகர்கள்.

சந்தேகம் தீர்ந்தது

அதே சமயம் துணிச்சலாக இந்த புகைப்படத்தை வெளியிட்டுள்ள டேனியையும் அவர்கள் பாராட்டி வருகின்றனர். ஏனென்றால் டிஆர்பிக்காக மது கையை அறுத்துக் கொண்டதாக நாடகம் ஆடினாரோ என்ற சந்தேகம் பலருக்கும் இருந்தது. இதுவரை அது தொடர்பான காட்சிகள் எதையும் நிகழ்ச்சியில் ஒளிபரப்பவில்லை.

கமலின் அறிவுரை

எனவே, நிஜமாகவே அப்படி ஒரு சம்பவம் நடந்ததா என்ற கேள்வி நீடித்து வந்தது. ஆனால் மதுவின் கையில் உள்ள காயத்தைப் பார்க்கும் போது, சண்டையின் போது மது எவ்வளவு கோபத்தில் இருந்திருப்பார் என்பதைப் புரிந்து கொள்ள முடிகிறது. கமல் கூறியது போல் மது அஹிம்சை வழியில் போராடி இருந்திருக்கலாம், இப்படி பாவம் தன்னைக் காயப்படுத்திக் கொண்டிருக்க வேண்டாம் என்றே தோன்றுகிறது.