ஜெயில்ல கூட ஷாப்பிங் போகலாம்.. சசிகலாவை சீண்டிய தர்பார்.. அனல் பறக்கும் வசனங்கள்! #DarbarThiruvizha

கேம் ஆடுறாங்க..

ரஜினி படத்தின் ட்ரெயிலர் வெளியான போதே அரசியல் டயலாக்குகள் இருப்பதாக பேச்சு எழுந்தது. ஒரிஜினலாவே நான் வில்லன்மா.. கேம் ஆடுறாங்க.. நம்மக்கிட்டயே போன்ற டயலாக்குகள் அரசியல் ரீதியாக பார்க்கப்பட்டது.

சிறையில் சசிகலா

இந்நிலையில் படம் இன்று வெளியாகியுள்ள நிலையில் படத்தில் சசிகலா குறித்த டயலாக் இடம் பெற்றுள்ளது தெரியவந்துள்ளது. மறைந்த முதல்வர் ஜெயலலிதாவின் தோழியான சசிகலா, சொத்துக்குவிப்பு வழக்கில் பெங்களூரு பரப்பன அக்ரஹார சிறையில் அடைக்கப்பட்டுள்ளார்.

வெளியான வீடியோ

இவர் ஜெயிலில் இருந்து அடிக்கடி வெளியில் சென்று ஷாப்பிங் செய்து வருவதாக அப்போதைய சிறை டிஜிபியான தீபா புகார் அளித்தார். இதுதொடர்பான வீடியோக்களும் சமூக வலைதளங்களில் வெளியாகி பரபரப்பை ஏற்படுத்தியது.

போலீஸாக ரஜினி

இந்நிலையில் இன்று சிறப்புக் காட்சியுடன் வெளியான ரஜினிகாந்தின் தர்பார் படத்தில் சசிகலாவை மறைமுகமாக விமர்சித்து வசனம் இடம் பெற்றுள்ளது. தர்பார் படத்தில் நடிகர் ரஜினிகாந்த் போலீஸ் உயர் அதிகாரியாக நடித்துள்ளார்.

தர்பார் ரிலீஸ்.. விதவிதமாக ட்ரென்டாகும் ஹேஷ்டேக்ஸ்.. திக்குமுக்காடும் டிவிட்டர்! #DarbarThiruvizha

சவுத் இந்தியால கூட..

படத்தில் காசு இருந்தா ஜெயில்ல கூட ஷாப்பிங் போகலாம் என்ற விமர்சனம் இடம் பெற்றுள்ளது. சவுத் இந்தியால கூட ஒரு கைதி அடிக்கடி ஜெயில்ல இருந்த வெளியே ஷாப்பிங் போனதா செய்தியில் பார்த்தேன் என்ற டயலாக் சசிகலாவை விமர்சிக்கும் வகையில் இடம்பெற்றுதுள்ளது.

கமல் விமர்சனம்

இந்த வசனத்தை ஜெயில் அதிகாரி ஒருவர் பேச, நடிகர் ரஜினிகாந்த் ஓ.. என கேட்பதாக உள்ளது. ஏற்கனவே பிக்பாஸ் சீசன் இரண்டில் நிகழ்ச்சி தொகுப்பாளரான நடிகர் கமல்ஹாசன், சசிகலா ஷாப்பிங் சென்றதை விமர்சித்திருந்தார் என்பது குறிப்பிடத்தக்கது.