தர்பார் அப்டேட்: சூட்டிங் ஸ்பாட்டில் ரஜினி... வைரலாகும் போட்டோக்கள்

காக்கிச்சட்டை

இத்திரைப்படத்தில் மிக நீண்ட இடைவெளிக்கு பின்பு நடிகர் ரஜினி காவல் துறை அதிகாரியாக நடிக்கிறார். இதற்கு முன்பு 1992ஆம் ஆண்டில் வெளிவந்த பாண்டியன் படத்திலும், அதற்கு முன்பாக 1988ல் வெளிவந்த கொடி பறக்குது படத்திலும் போலீஸ் அதிகாரியாக நடித்திருந்தார். தற்போது தர்பார் படத்தில் போலீஸ் அதிகாரியாக நடித்துள்ளார்.

காவல்துறை அதிகாரி

இதன் காரணமாகவே இப்படத்தின் மீது ரஜினி ரசிகர்கள் மத்தியில் அதீத எதிர்பார்ப்பு ஏற்பட்டுள்ளது. அதற்கேற்றவாறே, ரஜினியின் தோற்றமும் இதற்கு முந்தைய படங்களில் இருந்ததைக் காட்டிலும் இருபது வயது குறைந்துள்ளது போல் மிக இளமையாக, சிவாஜி படத்தில் இருந்ததைப் போலவே மாறியுள்ளது ரசிகர்களிடம் வரவேற்பை பெற்றுள்ளது.

தர்பார் போட்டோக்கள்

இப்படத்தின் படப்பிடிப்பு காட்சிகளும் வெளியில் வராமல் ரகசியம் காக்கப்படுகின்றன. அப்படி இருந்தாலும் அவ்வப்போது தர்பார் படத்தில் ரஜினி மற்றும் நயன்தாரா இடம்பெறும் காட்சிகள் சமூக வலைதளங்களில் வெளியாகி வைரலாகி விடுகிறது. இதைத் தடுக்க எவ்வளவோ முயன்றாலும் கூட எப்படியாவது வெளியாகிவிடுகிறது.

வைரல் போட்டோக்கள்

கடந்த சில நாட்களுக்கு முன்பு கூட தர்பார் ஷூட்டிங் ஸ்பாட்டில் ரஜினி போலீஸ் யூனிஃபார்மிலும் அருகில் நயன்தாரா இருப்பது போலவும் ஒரு ஃபோட்டோ சமூக வலைதளங்களில் வைரலாகியது. இப்போது இந்த திரைப்படத்தின் ஷூட்டிங் ஸ்பாட் புகைப்படம் மறுபடியும் வெளியாகியது. அதில் இயக்குனர் ஏ.ஆர்.முருகதாஸ் நடிகர் ரஜினின் ஷூட்டிங் ஸ்பாட்டில் பணிபுரியும் புகைப்படம் வெளியாகி சமூக வலைதளங்களில் வைரலாகி வருகிறது.