தளபதி 64 படத்திற்கு வந்த சோதனை.. வேதனையில் படக்குழு!

தளபதியும் தப்பவில்லை

டெல்லியில் நிலவும் காற்று மாசால் தொழிற்சாலைகளுக்கு கட்டுப்பாடுகள் விதிக்கப்பட்டுள்ளன. இந்நிலையில் டெல்லியில் நீடிக்கும் காற்று மாசுக்கு விஜய் நடிக்கும் தளபதி 64 படமும் தப்பவில்லை.

இரண்டாம்கட்ட படப்பிடிப்பு

‘கைதி' பட இயக்குனர் லோகேஷ் கனகராஜ், விஜய் நடிக்கும் 64வது படத்தை இயக்குகிறார். விஜய் நடித்த பிகில் ரிலீஸ் ஆவதற்கு முன்பே தளபதி 64 படத்தின் படப்பிடிப்பு தொடங்கியது. இதன் முதற்கட்ட படப்பிடிப்பு ஏற்கனவே முடிந்துவிட்ட நிலையில் இரண்டாம் கட்ட படப்பிடிப்பு டெல்லியில் நடைபெற்றது.

படப்பிடிப்பு பாதிப்பு

இந்நிலையில் டெல்லியை அச்சுறுத்தும் காற்று மாசு விஜய் 64வது படத்தின் படப்பிடிப்பிலும் சிக்கலை ஏற்படுத்தியிருக்கிறது. காற்று மாசால் வேகமாக நடந்து வந்த படப்பிடிப்பு தற்போது மந்தமாக நடைபெறுவதாக கூறப்படுகிறது.

வேகமெடுக்கும்

இதனால் படக்குழு கவலையடைந்திருக்கிறதாம். காற்று மாசு குறைந்தவுடன் படப்பிடிப்பு பழையப்படி வேகமெடுக்கும் என படக்குழு தெரிவித்திருப்பதாக தகவல் பரவியிருக்கிறது.