டேனியல் பாலாஜியின் செயலை பார்த்து வியந்தேன்.. தான்யா தேசாய் !

காட்மேன் வெப் சீரிஸ்

இதனை இளங்கோ ரகுபதி தயாரிக்கிறார். இந்த வெப் சீரிஸ்க்கு "காட் மேன்" என்று தலைப்பு வைத்துள்ளனர். இதில் இவர்களுடன் சோனியா அகர்வால் மற்றும் ஜெயப்பிரகாஷும் நடிக்கின்றனர். இதில் அவர் நடித்துள்ள கதாபாத்திரம் மற்றும் இந்த வெப் சீரிஸ் பற்றி அவர் கூறியதாவது:

திரில்லர் கதை

இது ஒரு க்ரைம் திரில்லர் கலந்த ஒரு கதை. மதம், அரசியல் சுற்றி நடக்கும் சம்பவங்கள் தான் இந்த முழு வெப் சீரிஸ். நான் இதில் மாயா என்ற கதாபாத்திரத்தில் டேனியல் பாலாஜி உடன் நடிக்கின்றேன். கடவுள் மீது அதிக நம்பிக்கை உள்ள பெண்ணாக நடிக்கிறேன். இது போன்ற ஒரு கதாபாத்திரத்தை இதற்கு முன் நான் நடித்ததில்லை, இந்த கதாபாத்திரம் கிடைத்ததற்கு நான் மிகுந்த மகிழ்ச்சி அடைகிறேன். மேலும் சென்னை மற்றும் மூனார் போன்ற இடங்களில் ஷூட்டிங் நடந்துள்ளது.

டேனியல் பாலாஜி

அவருடன் நடித்தவர்களை பற்றி கூறுகையில், ஜெயப்பிரகாஷ் சார் மற்றும் டேனியல் பாலாஜி, ஆகிய இருவரும் மிகச்சிறந்த கலைஞர்கள், இவர்கள் இருவருடனும் இணைந்து நடிக்கும்பொழுது நான் பலவற்றை கற்று கொண்டேன். டேனியல் பாலாஜி எனக்கு மிகவும் நெருக்கமான நண்பர் ஆகிவிட்டார், செட்டில் எப்போதும் கூலாக இருப்பார்.தமிழ் ஒரு அழகான மொழி எனக்கு தமிழில் பேச மிகவும் ஈஸியாக இருந்தது.

பெர்பெக்ட்

இவர்கள் இருவரும் ஷூட்டிங்கில் மிகவும் கரெக்டாக இருந்தனர். டேனியல் பாலாஜி ஷூட்டிங்கில் படு சுறுசுறுப்பாக இருந்தார். 7 மணிக்கு ஷூட்டிங் என்றால் கூறிய நேரத்திற்கு சரியாக வந்து விடுவார் அவரிடம் நிறைய கற்று கொண்டேன். மேலும் காலை ஏழு மணிக்கு ஷூட்டிங் துவங்கும் சரியாக மாலை ஏழு மணிக்கு ஷூட்டிங் நிறைவடையும் இது தான் சரியாக இருந்தது. இது போன்ற ஒரு படக்குழு உடன் வேலை செய்ததில் எனக்கு மிகவும் பிடித்திருந்தது என கூறினார் தான்யா தேசாய்.