தியேட்டரில் திருச்சிற்றம்பலம் ஓடுதோ இல்லையோ.. தனுஷ், ராஷி கன்னா என்னம்மா ஓடுறாங்க பாருங்க!

கில்லி விஜய் போல

நடிகர் தனுஷ் தியேட்டரில் இருந்து நடிகை ராஷி கன்னாவை அழைத்துக் கொண்டு கில்லி படத்தில் மதுரையில் இருந்து பிரகாஷ் ராஜ் ஆட்களிடம் சிக்காமல் எப்படி உயிரை கையில் பிடித்துக் கொண்டு ஓட்டம் எடுத்தாரோ அதே போல திருச்சிற்றம்பலம் ஓடிய தியேட்டரில் இருந்து வெளியே வர ஒரே ஓட்டமாக ஓடிய தனுஷின் வீடியோ டிரெண்டாகி வருகிறது.

நடிகையுடன் ஓடிய தனுஷ்

திருச்சிற்றம்பலம் திரைப்படத்தில் தனுஷ் உடன் நித்யா மேனன், பிரியா பவானி சங்கர் மற்றும் ராஷி கன்னா என மூன்று ஹீரோயின்கள் நடித்திருந்தனர். இந்நிலையில், திருச்சிற்றம்பலம் படத்தை பார்க்க ராஷி கன்னா மட்டுமே தனுஷ் உடன் வந்திருந்தார். ரசிகர்கள் கூட்டம் அலைமோத அங்கிருந்து அவரை காப்பாற்றி ரசிகர்களிடம் சிக்காமல் தனுஷ் ஓடி வந்த வீடியோவை நெட்டிசன்கள் ட்ரோல் செய்து வருகின்றனர்.

நல்லவேளை மூணு பேரும் வரல

ராஷி கன்னா மட்டும் வந்த நிலையில், தனுஷ் ஒரு நடிகையின் கையை பிடித்துக் கொண்டு தனது ரசிகர்களிடம் சிக்காமல் ஓடி வந்தார். நல்லவேளையாக மூன்று ஹீரோயின்களையும் தியேட்டருக்கு கெத்தாக கூட்டிச் சென்று இருந்தால், அவரது நிலை என்ன ஆகியிருக்கும் என பங்கமாக கலாய்த்து வருகின்றனர்.

செவல தாவுடா தாவு

வடிவேலு, முரளி காமெடியில் வருவது போல செவல தாவுடா தாவு என்கிற ரேஞ்சுக்கு தலை தப்பித்தது தம்புரான் புண்ணியம் என்பது போல தனுஷ் மற்றும் ராஷி கன்னா ரசிகர்களின் கூட்ட நெரிசலில் சிக்காமல் காருக்குள் வந்து அங்கிருந்து தப்பிச் சென்ற வீடியோவை ஏகப்பட்ட மீம் மெட்டீரியலாக நெட்டிசன்கள் மாற்றி வருகின்றனர்.

திருச்சிற்றம்பலம் ஓடுதோ இல்லையோ

தியேட்டரில் திருச்சிற்றம்பலம் படம் ஓடுதோ இல்லையோ தியேட்டரில் இருந்து தப்பிச்சோம் பிழைச்சோம் என தனுஷ் ஓடிட்டார் அதுவும் நடிகை ராஷி கன்னாவுடன் என நெட்டிசன்கள் வேற லெவலில் பங்கம் செய்து வருகின்றனர். இதற்கு மேல் தனுஷ் ரசிகர்களுடன் படம் பார்க்க வரவே மாட்டார், ஏன் டா இப்படி பண்றீங்கன்னு தனுஷ் ரசிகர்களே சக தனுஷ் வெறியர்களை திட்டி வருகின்றனர்.