பரவை முனியம்மாவுக்கு தனுஷ் ரூ 5 லட்சம் உதவி

உடல் நலிவுற்று மருத்துவமனையில் சிகிச்சைப் பெற்று வரும் நாட்டுப் புறக் கலைஞரும் நடிகையுமான பரவை முனியம்மாவுக்கு நடிகர் தனுஷ் ரூ 5 லட்சம் உதவி செய்துள்ளார்.

பரவை முனியம்மா உடல் நலக்குறைவால் அவதிப்படுவது குறித்து குமுதம் இதழ் கட்டுரை வெளியிட்டிருந்தது. இதைப் படித்த நடிகர் விஷால் உடனடியாக ரூ 5 ஆயிரம் கொடுத்ததோடு, மருத்துவ சிகிச்சைக்கான செலவுகளுக்காக மாதம் ரூ 5 ஆயிரம் தொடர்ந்து தருவதாக அறிவித்தார்.

இந்த நிலையில் நடிகர் தனுஷ் தன் சொந்தப் பணத்திலிருந்து ரூ 5 லட்சத்தை பரவை முனியமாமாவுக்கு அளித்து உதவி செய்துள்ளார்.பரவை முனியம்மாவின் இப்போதைய குடும்ப சூழலில் இந்தத் தொகை ஒரு மிகப் பெரிய உதவியாக அமைந்துள்ளது.