தனுஷின் 3வது பாலிவுட் படம்.. அட்ராங்கி ரே ரிலீஸ் தேதி.. அதிகாரப்பூர்வ அறிவிப்பு!

அட்ராங்கி ரே

இந்நிலையில் தனுஷ் நடிக்கும் மூன்றாவது இந்திப்படத்தை இயக்குநர் ஆனந்த் எல்.ராய் இயக்கியுள்ளார். இவர் தனுஷின் முதல் இந்திப் படமான ராஞ்சனாவை இயக்கியிருந்தார். அட்ராங்கி ரே என்று பெயர் வைக்கப்பட்டுள்ள இந்தப் படத்தில் சாரா அலிகான் மற்றும் நடிகர் அக்ஷய் குமார் முக்கிய ரோலில் நடித்துள்ளனர்.

ஷூட்டிங் முடிந்தது..

இந்தப் படத்துக்கு ஏ.ஆர்.ரஹ்மான் இசையமைத்துள்ளார். 'அட்ரங்கி ரே' படத்தின் கதையை ஹிமான்ஷு சர்மா எழுதியுள்ளார. அட்ரங்கி ரே படத்தின் ஷுட்டிங் கடந்த ஆண்டு மார்ச் மாதம் வாரணாசியில் தொடங்கியது. தனுஷ் டிசம்பரில் தனது பகுதி படப்பிடிப்பை முடித்தார்.

ஷாஜகான் கெட்அப்

அட்ராங்கி ரே படம் வாரணாசி மற்றும் மதுரையில் காட்சியாக்கப்பட்டது. கடைசியாக டெல்லி மற்றும் தாஜ்மஹாலில் சில காட்சிகள் படமாக்கப்பட்டன. அக்ஷய் குமார், முகலாய பேரரசர் ஷாஜகானாக உடையணிந்து, தாஜ் முன் நிற்கும் புகைப்படங்கள் டிசம்பர் மாத தொடக்கத்தில் வைரலாகின.

ஹாலிவுட் படம்

இந்நிலையில் அட்ராங்கி ரே படம் வரும் ஆகஸ்ட் 6 ஆம் தேதி திரைக்கு வரும் என அதிகாரப்பூர்வமாக அறிவிக்கப்பட்டுள்ளது.
இதனிடையே ருசோ சகோதரர்கள் இயக்கும் தனது ஹாலிவுட் படமான 'தி கிரே மேன்' படப்பிடிப்பிற்காக தனுஷ் சமீபத்தில் அமெரிக்கா சென்றார் என்பது குறிப்பிடத்தக்கது.