Don't Miss!
- Lifestyle உங்க பிறந்த தேதியை சொல்லுங்க.. வருகிற ஏப்ரல் மாசம் எப்படி இருக்கும்-ன்னு சொல்றோம்...
- Automobiles சுஸுகி வி-ஸ்டார்ம் 800டிஇ பைக் இந்தியாவில் அறிமுகம்! இந்த பைக்க வாங்குற காசுல 2 மாருதி ஆல்டோ காரை வாங்கிடலாம்!
- News மீண்டும் மீண்டுமா! அரவிந்த் கெஜ்ரிவாலை பதவி நீக்கம் செய்யக்கோரி டெல்லி ஹைகோர்ட்டில் மனுத்தாக்கல்
- Finance TATA Sons நிறுவனத்தில் ஒரேயொரு பங்கு வைத்திருக்கும் மர்ம நபர்? யார் இவர்?! JRD டாடா-வுடன் நெருக்கம்!
- Sports 4,4,6.. உங்க ஸ்பின்னெல்லாம் என்னிடம் எடுபடாது.. கேகேஆர் அணியின் அஸ்திவாரத்தை ஆட்டிய கேமரூன் க்ரீன்!
- Technology கஸ்டமர்களுக்கு வந்த திடீர் மெசேஜ்! சத்தமின்றி BSNL சேவையில் புதிய மாற்றம்.. ஆப்பிற்குள் காத்திருந்த அதிர்ச்சி!
- Travel தமிழ்நாட்டிலேயே பாதுகாப்பான சுற்றுலாத் தலங்கள் இவை தான் – பெண்களாக, குடும்பங்களாக செல்ல ஏற்ற இடங்கள்!
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
ட்ரெய்லர் மட்டுமா இல்ல படமும் தள்ளிப் போகுதா? அப்டேட்டுக்காக காத்திருக்கும் தனுஷ் ரசிகர்கள்
சென்னை: தனுஷ் - செல்வராகவன் கூட்டணியில் உருவாகியுள்ள நானே வருவேன் படத்திற்கு ரசிகர்களிடம் அதிக எதிர்பார்ப்பு காணப்படுகிறது.
நானே வருவேன் படத்தின் முதல் சிங்கிள் வெளியான நிலையில், விரைவில் ட்ரெய்லர் வெளியாகும் என எதிர்பார்க்கப்பட்டது.
SIIMA விருதுகள் வழங்கும் விழாவில் நானே வருவேன் பட ட்ரெய்லர் வெளியாகும் எனவும் தகவல் வெளியாகியிருந்தது.
சம்பளம் வாங்க மறுத்த இளையராஜா... சுறா பட தயாரிப்பாளர் உள்ளிட்டோருக்கு உதவிய ராஜா
தனுஷ் - செல்வராகவன் கூட்டணி
தனுஷ் - செல்வராகவன் கூட்டணீயில் வெளியான காதல் கொண்டேன், புதுப்பேட்டை படங்கள் தமிழ் சினிமாவில் நிகழ்த்திய மாயாஜாலம் அனைவரும் அறிந்ததே. தனுஷின் ஆரம்பகால சினிமா பயணத்தை செல்வராகவன் தான் குருவாக இருந்து வழிநடத்தினார். இருவருமே அண்ணன், தம்பியாக இருந்தாலும், ஷூட்டிங் ஸ்பாட்டில் வேற லெவலில் உழைப்பை கொடுப்பவர்கள். அதனால் தான் தனுஷ் இன்று தனது கேரியரில் உச்சத்தில் இருக்கிறார்.
மீண்டும் இணைந்த அண்ணன், தம்பி
காதல் கொண்டேன், புதுப்பேட்டை படங்களுக்குப் பிறகு, 2011ல் மயக்கம் என்ன படத்தில் தனுஷ் - செல்வராகவன் கூட்டணி இணைந்தது. அதன்பிறகு புதுப்பேட்டை படத்தின் 2ம் பாகத்தில் இருவரும் இணைவார்கள் என ரசிகர்கள் எதிர்பார்த்தனர். ஆனால், 'நானே வருவேன்' என அப்டேட் கொடுத்த இருவரும், இப்போது அந்தப் படத்தை முழுவதுமாக முடித்துவிட்டனர். இந்தப் படத்தில் தனுஷ் இரட்டை வேடங்களில் நடித்துள்ளதாகக் கூறப்படுகிறது.
நானே வருவேன் ட்ரெய்லர் ரிலீஸ்?
தனுஷ், செல்வராகவன் மட்டும் இல்லாமல், நானே வருவேன் படத்தில் இசையமைப்பாளர் யுவனும் இணைந்தார். இதனால் இந்தப் படத்தின் மீதான எதிர்பார்ப்பு நாளுக்கு நாள் அதிகரித்துக் கொண்டே இருக்கிறது. இந்நிலையில், நானே வருவேன் படத்தின் முதல் பாடல் வெளியாகி நல்ல வரவேற்பை பெற்றுள்ளது. இதனைத் தொடர்ந்து இந்தப் படத்தின் ட்ரெய்லர், SIIMA திரைப்பட விருதுகள் விழாவில் வெளியாகும் என சொல்லப்பட்டது.
மெளனம் காக்கும் நானே வருவேன் டீம்
ஆனால், SIIMA விருதுகள் நாளை (செப் 11) நடைபெறவுள்ள நிலையில், இதுவரையிலும் நானே வருவேன் ட்ரெய்லர் ரிலீஸ் குறித்து எந்த அறிவிப்பும் இல்லை. படக்குழு தரப்பில் இருந்து இதுவரை எந்த அதிகாரப்பூர்வ அறிவிப்பும் வெளியாகவில்லை என்றாலும், ரசிகர்கள் நம்பிக்கையுடன் காத்திருந்தனர். ஆனால், தொடர்ந்து படக்குழு மெளனமாக இருப்பதால், தனுஷ் ரசிகர்கள் ஏமாற்றத்தில் உள்ளனர். அதேபோல், நானே வருவேன் வரும் 29ம் தேதி வெளியாகும் என கூறப்பட்ட நிலையில், ரிலீஸ் தேதி குறித்தும் இன்னும் எந்த அறிவிப்பையும் படக்குழு வெளியிடவில்லை.