For Quick Alerts
    ALLOW NOTIFICATIONS  
    For Daily Alerts

    100 கோடி ரூபாய் கிளப்பில் இணைந்த திருச்சிற்றம்பலம்..13 நாளில் கெத்து காட்டிய தனுஷ்!

    |

    சென்னை : நடிகர் தனுஷ், நித்யா மேனன் உள்ளிட்டவர்கள் நடிப்பில் கடந்த 18ம் தேதி திரையரங்குகளில் வெளியானது திருச்சிற்றம்பலம்.

    இந்தப் படத்தை சன் பிக்சர்ஸ் வெளியிட்ட நிலையில், ஆண் -பெண் நட்பை பேசிய இந்தப் படம் ரசிகர்களை வெகுவாக கவர்ந்துள்ளது.

    இந்நிலையில் கடந்த 13 நாட்களில் இந்தப் படத்தின் வசூல் அதிரி புதிரியாக காணப்படுகிறது. ரசிகர்கள் தொடர்ந்து படத்தை திரையரங்குகளில் கொண்டாடி வருகின்றனர்.

    வெளிநாட்டில் அஜித்தின் வலிமை பட வசூலை ஓரங்கட்டிய தனுஷின் திருச்சிற்றம்பலம்...ஆச்சரியத்தில் ரசிகர்கள் வெளிநாட்டில் அஜித்தின் வலிமை பட வசூலை ஓரங்கட்டிய தனுஷின் திருச்சிற்றம்பலம்...ஆச்சரியத்தில் ரசிகர்கள்

    திருச்சிற்றம்பலம் படம்

    திருச்சிற்றம்பலம் படம்

    நடிகர் தனுஷ், நித்யா மேனன், பிரியா பவானி சங்கர், ராஷி கண்ணா உள்ளிட்டவர்களின் நடிப்பில் கடந்த 18ம் தேதி திரையரங்குகளில் வெளியானது திருச்சிற்றம்பலம். இந்தப் படம் அனைத்து தரப்பு ரசிகர்களையும் வெகுவாக கவர்ந்து சூப்பர் டூப்பர் ஹிட்டடித்துள்ளது. ஆண் -பெண் நட்பின் மகத்துவத்தை பேசியுள்ள இந்தப் படத்தின் திரைக்கதையும் சிறப்பாக அமைந்துள்ளது.

     4வது முறையாக கூட்டணி

    4வது முறையாக கூட்டணி

    யாரடி நீ மோகினி, குட்டி என அடுத்தடுத்த படங்களில் ஒன்றுசேர்ந்த மித்ரன் ஜவஹருடன் 4வது முறையாக கூட்டணி சேர்ந்துள்ள தனுஷிற்கு இந்தப் படம் சிறப்பாக கைக்கொடுத்துள்ளது. முன்னதாக இந்தப் படத்தை தயாரிக்கவும் அவர் திட்டமிட்டிருந்ததாக தகவல்கள் வெளியானது. ஆனால் சன் பிக்சர்ஸ் இந்தப் படத்தை தயாரிக்க முன்வந்ததால் அவர் விலகியுள்ளார்.

    ரசிகர்களை கவர்ந்த டைட்டில்

    ரசிகர்களை கவர்ந்த டைட்டில்

    இந்தப் படத்தின் அழகான டைட்டில் அனைவரையும் கவர்ந்துள்ளது. ஆனால் ஒரு சிலருக்கு இந்த டைட்டில் வாயிலேயே நுழையவில்லை. குறிப்பாக இந்தப் படத்தை பாராட்டியுள்ள குக் வித் கோமாளி சீசன் 3 போட்டியாளர் ஸ்ருதிகா இந்தப் பெயரை சொல்வதற்குள் அல்லோல கல்லோலப் பட்டுவிட்டார்.

    வசூலில் மிரட்டல்

    வசூலில் மிரட்டல்

    இந்தப் படம் தொடர்ந்து வசூலில் மிரட்டி வருகிறது. இந்த ஆண்டில் வெளியான முந்தைய படங்களின் வசூலை திருச்சிற்றம்பலம் தற்போது பீட் செய்து வருகிறது. தொடர்ந்து வசூலில் மற்ற படங்களை முந்தி வருகிறது. இந்நிலையில் படத்தின் அடுத்தடுத்த பாடல்களையும் படக்குழு வெளியிட்டு படத்திற்கு சிறப்பான பிரமோஷன்களை கொடுத்து வருகிறது.

    100 கோடி கிளப்பில் இணைந்த படம்

    100 கோடி கிளப்பில் இணைந்த படம்

    இதனிடையே கடந்த 13 நாட்களில் சர்வதேச பாக்ஸ் ஆபிஸ் வசூலில் 100 கோடி ரூபாயை வசூலித்துள்ளது திருச்சிற்றம்பலம். முதல் நாளிலேயே தமிழகத்தில் மட்டும் இந்தப் படம் 10 கோடி ரூபாய் கலெக்ஷனை ஈட்டி தொடர்ந்து தமிழகத்தில் சிறப்பான வசூலை பெற்று வருகிறது. கர்ணன் படத்திற்கு பிறகு திரையரங்குகளில் ரிலீசாகியுள்ளது திருச்சிற்றம்பலம் படம்.

     சிறப்பான விமர்சனங்கள்

    சிறப்பான விமர்சனங்கள்

    இந்தப் படம் அதிகமாக பேமிலி ஆடியன்சை அதிகமாக திரையரங்குகளுக்கு வரவழைத்துள்ளது. படத்தில் தனுஷ் மற்றும் நித்யா மேனனின் நடிப்பு சிறப்பாக அமைந்துள்ளது. படம் விமர்சகர்கள் மற்றும் ரசிகர்களிடையே சிறப்பான விமர்சனங்களையும் வரவேற்பையும் பெற்றுள்ளது. தொடாந்து திரையரங்குகளில் வெற்றிகரமாக ஓடி வருகிறது.

    கார்த்தியை ஓரங்கட்டிய தனுஷ்

    கார்த்தியை ஓரங்கட்டிய தனுஷ்

    கடந்த சில தினங்களுக்கு முன்பு வெளியான கார்த்தியின் விருமன் படத்தின் வசூலும் மிரட்டிய நிலையில், அந்தப் படத்தின் வசூலை திருச்சிற்றம்பலம் படம் பாதித்தது. இந்நிலையில் இன்றைய தினம் வெளியாகியுள்ள விக்ரமின் கோப்ரா படம், திருச்சிற்றம்பலம் படத்தின் வசூலை பாதிக்குமா என்பதை பொறுத்திருந்துதான் பார்க்க வேண்டும்.

    English summary
    Actor Dhanush's Thiruchitrambalam movie joins 100 crores club in just 13 days
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X