Don't Miss!
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்.. இன்று நடக்கப்போகும் மாற்றம்? பின்னணி
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Automobiles சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
- Lifestyle 12 ஆண்டுகளுக்கு பின் மேஷத்தில் உருவாகும் கஜலட்சுமி ராஜயோகம்: இந்த 3 ராசிக்கு பண மழை பொழியும்..
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
தனுஷின் திருச்சிற்றம்பலம் ரொம்ப பழைய கதையா?: பப்ளிக் ரிவிவ்யூல என்ன சொல்லிருக்காங்க?
சென்னை: தனுஷ் நடித்துள்ள 'திருச்சிற்றம்பலம்' படம் இன்று (ஆக.18) திரையரங்குகளில் வெளியாகியுள்ளது.
கர்ணன் படத்திற்கு பின்னர் திரையரங்குகளில் வெளியான திருச்சிற்றம்பலம் படம் ரசிகர்களிடம் எதிர்பார்ப்பை ஏற்படுத்தியிருந்தது.
இந்நிலையில், 'திருச்சிற்றம்பலம்' படத்திற்கு கிடைத்துள்ள பப்ளிக் ரிவிவ்யூ, ரசிகர்களை குழப்பத்தில் ஆழ்த்தியுள்ளது.
ரிலீசான 6 மணி நேரத்தில் இணையத்தில் கசிந்த தனுஷின் திருச்சிற்றம்பலம்...என்ன இப்படி ஆகிடுச்சு ?
கர்ணனுக்குப் பிறகு திருச்சிற்றம்பலம்
ஒன்றரை ஆண்டுகளுக்கு முன்னர் தனுஷின் 'கர்ணன்' திரைப்படம் திரையரங்குகளில் வெளியாகியிருந்தது. அதன் பின்னர் தனுஷ் நடித்திருந்த ஜகமே தந்திரம், அத்ரங்கி ரே, தி கிரே மேன் படங்கள் நேரடியாக ஓடிடி தளங்களில் வெளியாகின. இருப்பினும் தமிழில் அவர் நடித்திருந்த 'ஜகமே தந்திரம்' தோல்விப் படங்களின் பட்டியலில் இணைந்தது. இதனால், தனுஷின் ரசிகர்கள் திருச்சிற்றம்பலம் படத்தின் ரிலீசுக்காக காத்திருந்தனர்.
தியேட்டர்களில் திருவிழா கோலம்
நீண்ட நாட்களுக்குப் பிறகு தனுஷின் படம் திரையரங்குகளில் வெளியாகி உள்ளதால், அவவர ரசிகர்கள் உற்சாகத்தில் உள்ளனர். மேலும், முதல் நாளிலேயே 'திருச்சிற்றம்பலம்' படத்தை பார்த்தே ஆகவேண்டும் என ரவுண்டு கட்டி வருகின்றனர். இதனால் திருச்சிற்றம்பலம் படம் வெளியாகி உள்ள திரையரங்குகள் திருவிழா போல காட்சியளிக்கின்றன.
சூப்பர் கூட்டணியில் திருச்சிற்றம்பலம்
சன் பிக்சர்ஸ் தயாரித்துள்ள 'திருச்சிற்றம்பலம்' படத்தில் யாரடி நீ மோகினி, குட்டி, உத்தமபுத்திரன் படங்களைத் தொடர்ந்து தனுஷ், இயக்குநர் மித்ரன் ஜவஹர் கூட்டணி நான்காவது முறையாக இணைந்துள்ளனர். நித்யா மேனன், பிரியா பவானி சங்கர், ராஷி கண்ணா, பாரதிராஜா, பிரகாஷ்ராஜ் உள்ளிட்ட பலர் இப்படத்தில் நடித்துள்ளனர். அனிருத்தும் பல வருடங்களுக்குப் பிறகு தனுஷுடன் இந்தப் படத்தில் கூட்டணி வைத்துள்ளார்.
மக்கள் என்ன சொல்கிறார்கள்?
இந்நிலையில், இன்று திரையரங்குகளில் வெளியான 'திருச்சிற்றம்பலம்' படம் கலவையான விமர்சனங்களைப் பெற்றுள்ளது. இது குடும்பத்துடன் பார்க்க வேண்டிய படம் என்றும், தனுஷ் எப்பவும் போல கலக்கியுள்ளதாக மக்கள் கூறுகின்றனர். அதேபோல், காதல் காட்சிகளில் தனுஷ் சூப்பராக நடித்துள்ளதாகவும், பாரதிராஜாவுடனான காமெடிக் காட்சிகளில் பட்டையைக் கிளப்பி உள்ளதாகவும் கூறுகின்றனர். பொதுவாக தனுஷ் ரசிகர்கள் என்ஜாய் செய்துள்ளது தெரிகிறது.
இது பழைய கதையா?
அதேநேரம், 'திருச்சிற்றம்பலம்' படத்தின் கதை ரொம்பவே பழையது என்றும், தனுஷே இதுபோல கதைகளில் நடித்துள்ளதாகவும் பலர் தெரிவித்துள்ளனர். முதல் பாதியில் வழக்கம்போல தனுஷின் அட்ராசிட்டியை பார்க்கலாம் எனவும், இரண்டாம் பாதி கொஞ்சம் பரவாயில்லை என்றும் இன்னும் பலர் தெரிவித்துள்ளனர். மேலும் கதையில் எந்த ட்விஸ்ட்டும் இல்லை, ஆனாலும் ஜாலியான திரைக்கதை என, சிலர் கூறியுள்ளனர்.