Vaathi Box Office Prediction: பாக்ஸ் ஆபிஸில் மேஜிக் செய்யப்போகும் தனுஷ்.. முதல் நாள் வசூல் கணிப்பு!

தெலுங்கில் அறிமுகமான தனுஷ்

துள்ளுவதோ இளமை படத்தின் மூலம் தமிழில் நடிகராக தனுஷ் அறிமுகமான நிலையில், ராஞ்சனா படத்தின் மூலம் பாலிவுட்டில் அறிமுகமானார். ரூசோ பிரதர்ஸ் இயக்கத்தில் வெளியான தி கிரேமேன் படத்தின் மூலம் ஹாலிவுட்டிலும் கடந்த ஆண்டு அறிமுகமானார். ஏற்கனவே பிரெஞ்சு மொழி படமான பக்கிரி படத்திலும் தனுஷ் நடித்திருந்த நிலையில், தற்போது தெலுங்கில் Sir படம் மூலம் அறிமுகமாகி உள்ளார்.

நல்ல ரெஸ்பான்ஸ்

தமிழ் மற்றும் தெலுங்கு மொழிப் படமாக இன்று வெளியாகி உள்ள வாத்தி படத்திற்கு தனுஷ் ரசிகர்கள் மத்தியில் நல்ல ரெஸ்பான்ஸ் உள்ளது. கடந்த ஆண்டு வெளியாகும் என எதிர்பார்க்கப்பட்ட வாத்தி திரைப்படம் கடைசி நேரத்தில் ரிலீஸ் தள்ளிப் போன நிலையில், இன்று வெளியாகி உள்ளது. தேவையற்ற காட்சிகளை ட்ரிம் செய்து வெறும் 2 மணி நேரம் 19 நிமிடங்களே ஓடும் படமாக வாத்தி வெளியாகி உள்ளது குறிப்பிடத்தக்கது.

அட்வான்ஸ் புக்கிங்

தனுஷின் வாத்தி படத்தின் அட்வான்ஸ் புக்கிங் வியாழன் இரவு 10 மணி வரை 1.5 கோடியாக இருந்ததாக தகவல்கள் வெளியாகி உள்ளன. தமிழ் மற்றும் தெலுங்கில் வாத்தி படத்தை மிகப்பெரிய அளவில் திரையிட்டுள்ள நிலையில், முதல் நாளில் வாத்தி திரைப்படம் நிச்சயம் வசூல் வேட்டை நடத்தும் என எதிர்பார்க்கப்படுகிறது.

முதல் நாள் வசூல் கணிப்பு

தனுஷின் வாத்தி திரைப்படம் முதல் நாளில் தமிழ் மற்றும் தெலுங்கு வெர்ஷனை சேர்த்து 20 கோடி ரூபாய் வரை வசூல் செய்யும் என எதிர்பார்க்கப்படுகிறது. முன்னணி நடிகர்களான விஜய், அஜித் படங்கள் முதல் நாளில் 28 முதல் 30 கோடி வரை வசூல் செய்து வரும் நிலையில், தனுஷின் வாத்தி 20 கோடி வசூல் செய்தாலே மிகப்பெரிய விஷயம் என எதிர்பார்க்கப்படுகிறது.

கிளம்பிய சர்ச்சை

வாத்தி படத்தின் ப்ரோமோஷனுக்கு தேவையான சர்ச்சைகள் எதிர்பார்த்ததை விட அதிகமாகவே வாத்தி இசை வெளியீட்டு விழாவில் தனுஷ் பேசிய பேச்சால் கிளம்பியுள்ளது. வாத்தி என டைட்டில் வைத்து விட்டு படிப்பு முக்கியம் என படம் எடுத்து விட்டு நடிகர் தனுஷ் வாத்தி இசை வெளியீட்டு விழாவில் பள்ளி மாணவியை காதலித்த கதையை சொல்லி மாணவர்களை தவறான பாதைக்கு கொண்டு செல்கிறார் என கண்டனங்கள் கிளம்பிய நிலையில், வாத்தி படத்தை பார்க்க இளைஞர்கள் மற்றும் மாணவ படையினர் தியேட்டர்களுக்கு படையெடுத்து வருகின்றனர்.