Good Doctor சீரிஸ் காப்பியா தர்மன்?.. வதந்திக்கு அதிரடியாக முற்றுப்புள்ளி வைத்த அஸ்வத் மாரிமுத்து!

சென்னை: கமல்ஹாசன் தயாரிப்பில் ரஜினிகாந்த் நடிக்கும் 'தர்மன்' படத்தை இயக்கத் தொடங்கியுள்ளார் இயக்குநர் அஸ்வத் மாரிமுத்து. ஓ மை கடவுளே, டிராகன் படங்களை தொடர்ந்து சூப்பர் ஸ்டாரை இயக்கும் சூப்பரான வாய்ப்புக் கிடைத்த சந்தோஷத்தில் இருந்த அவரை சிலர் சோஷியல் மீடியாவில் டென்ஷன் ஆக்கியுள்ளனர்.

ராமராஜனின் வெளியாகாத படத்தின் டைட்டில் தான் தர்மன் என கலாய்க்கத் தொடங்கிய நிலையில், படமே காப்பி தான் என்பது போல பிரபலமான 'குட் டாக்டர்' வெப்சீரிஸ் உரிமத்தை வாங்கித்தான் அஸ்வத் மாரிமுத்து படம் பண்ணப் போகிறார் என சிலர் பதிவிட்டனர்.

இந்நிலையில், அதிரடியாக அதற்கு மறுப்பு தெரிவித்து Fake News என அஸ்வத் மாரிமுத்து ஒரே போடாக போட்டுள்ளார்.

ரஜினிகாந்தின் தர்மன்: சூப்பர் ஸ்டார் ரஜினிகாந்தின் 173வது படத்துக்கு தர்மன் என டைட்டில் வைக்கப்பட்டுள்ளது. படத்தின் 2 போஸ்டர்கள் வெளியான நிலையில், ஏற்கனவே பிரதீப் ரங்கநாதன் தலையை அதில் ஒட்டவைத்து ரஜினிகாந்த் ஹேட்டர்கள் பஞ்சாயத்து செய்து வருகின்றனர். இந்நிலையில், குட் டாக்டர் என்கிற வெப்சீரிஸ் ரைட்ஸை ராஜ்கமல் நிறுவனம் வாங்கியுள்ளது என்றும் அதை வைத்து தான் அஸ்வத் மாரிமுத்து தர்மன் படத்தை உருவாக்குகிறார் என சில வதந்திகள் கிளம்பின.

அதிரடியாக மறுத்த அஸ்வத் மாரிமுத்து: ஆனால், அது முழுக்க முழுக்க ஃபேக் நியூஸ் என அஸ்வத் மாரிமுத்து தற்போது எக்ஸ் பக்கத்தில் ட்வீட் போட்டு வதந்திகளுக்கும் வன்மத்துக்கும் முற்றுப்புள்ளி வைத்துள்ளார். ரஜினிகாந்தை வைத்து அஸ்வத் மாரிமுத்து இயக்கி வரும் படத்தில் சிம்ரன், ராஷி கன்னா இருவரும் நடித்து வருகின்றனர். அடுத்த ஆண்டு பொங்கலுக்குள் படம் வெளியாகும் என எதிர்பார்க்கப்படுகிறது. அனிருத் இந்த படத்துக்கு இசையமைக்கிறார்.

ஜன நாயகன் எடிட்டர்: தளபதி விஜய்யின் ஜன நாயகன் படத்தின் எடிட்டர் பிரதீப் ராகவ் ஏற்கனவே அஸ்வத் மாரிமுத்து இயக்கத்தில் வெளியான டிராகன் படத்தை எடிட் செய்திருந்தார். ஜன நாயகன் படம் மொத்தமாக எடிட் டேபிளில் இருந்து லீக்கானதாக சர்ச்சை வெடித்த நிலையில், இவருக்கு எடிட்டர் சங்கம் தடை விதித்தது. இந்நிலையில், மன்னிப்புக் கடிதம் எல்லம் கொடுத்த பிரதீப் ராகவ் தான் ரஜினிகாந்தின் தர்மன் படத்துக்கும் எடிட்டர் என்பது குறிப்பிடத்தக்கது. பிரதீப் ரங்கநாதன், விஜய், ரஜினிகாந்த் என அடுத்தடுத்து பெரிய உச்சத்தை பிரதீப் தொட்டுள்ளார். தர்மன் படத்தின் எடிட் பணிகளில் ரொம்பவே பாதுகாப்பாக இருக்க வேண்டும் என ரசிகர்கள் அறிவுறுத்தி வருகின்றனர்.