ரூ.500 கோடி வசூலித்த தூம் 3: மீண்டும் பாக்ஸ் ஆபீஸ் 'கிங்' ஆன ஆமீர் கான்

வில்லன் ஆமீர்

ஹீரோவாக நடித்து வரும் ஆமீர் கான் தூம் 3 படத்தில் வில்லனாக நடித்தார். இரட்டை வேடங்களில் தனக்கே உரிய ஸ்டைலில் நடிப்பில் அசத்தி இருந்தார்.

ரூ.500 கோடி

பாலிவுட் வரலாற்றிலேயே முதல் முறையாக ஒரு படம் ரூ.500 கோடி வசூல் செய்துள்ளது என்றால் அது தூம் 3 மட்டுமே. தூம் 3 இந்தியாவில் ரூ. 351.29 கோடியும், வெளிநாடுகளில் ரூ.150.06 கோடியும் வசூல் செய்துள்ளது. இந்திய திரை உலக வரலாற்றிலும் தூம் 3 படம் தான் முதன்முறையாக ரூ.500 கோடி வசூலித்துள்ளது.

மேலும் வசூல்

தூம் 3 படம் ரிலீஸாகி 19 நாட்களுக்குள் ரூ.500 கோடி வசூல் செய்துள்ளது. படம் இந்தியா தவிர வெளிநாடுகளிலும் தொடர்ந்து ஓடிக் கொண்டிருக்கிறது. இதனால் வசூலும் மேலும் அதிகரிக்கும் என்று எதிர்பார்க்கப்படுகிறது.

தூம்

தூம் படத்தில் ஜான் ஆபிரகாம் வில்லனாக வந்தார். தூம் 2 படத்தில் ரித்திக் ரோஷன் வில்லனாக நடித்தார். இந்நிலையில் தூம் 3 படத்தில் ஆமீர் வில்லனாகவும், அப்பாவியாகவும் நடித்திருந்தார். தூம் 3 ஆமீர் ஷோ என்றே கூற வேண்டும்.

3 இடியட்ஸ்

2009ம் ஆண்டில் ஆமீர் கான், மாதவன், ஷர்மான் ஜோஷி, கரீனா கபூர் நடிப்பில் வெளியான 3 இடியட்ஸ் படம் உலக அளவில் ரூ.339 கோடியை வசூல் செய்து புதிய சாதனை படைத்தது. இந்நிலையில் தூம் 3 படமும் வசூலில் புதிய சாதனை படைத்துள்ளது என்பது குறிப்பிடத்தக்கது.