Don't Miss!
- Lifestyle இந்த உணவுகளை கண்டிப்பாக பிரஷர் குக்கரில் சமைக்கக்கூடாது.. ஏன் தெரியுமா?
- Finance டீ கடையில் கூட இப்ப கிரெடிட் கார்டு பேமெண்ட் தான்.. ரூ.1 லட்சம் கோடியை தாண்டி புதிய சாதனை..!
- News 2-ம் கட்ட லோக்சபா தேர்தல்: கர்நாடகா, கேரளா உட்பட் 13 மாநிலங்கள்- 88 தொகுதிகளில் நாளை வாக்குப் பதிவு!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Technology இதுதான் புதிய Infinix போன்.. 108MP கேமரா.. JBL சவுண்ட்.. 45W சார்ஜிங்.. எந்த மாடல்? எப்போது அறிமுகம்?
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
பாகுபலி நாயகன் பிரபாஸ்... தூம் 4 வில்லனாக மாறுகிறாரா?
மும்பை: தூம் 4 படத்தில் கதாநாயகனாக பாகுபலி நாயகன் பிரபாஸ் நடிக்கவிருக்கிறார் என்றும், இதன் மூலம் அவர் பாலிவுட்டில் என்ட்ரி ஆகிறார் என்றும் புதிய தகவல்கள் வெளியாகி இருக்கின்றன.
தூம் படங்களின் 3 பாகங்கள் வெளியாகி மாபெரும் வெற்றி பெற்ற நிலையில் தற்போது 4 வது பாகத்தை எடுக்க தயாரிப்பாளர்கள் ஆர்வம் காட்டி வருகின்றனர்.
முதல் 3 பாகங்களில் முறையே ஜான் ஆப்ரகாம், ஹிருத்திக்ரோஷன், அமீர்கான் ஆகியோர் முக்கிய வேடங்களில் நடித்திருந்தனர். தற்போது எடுக்கப் போகும் அடுத்த பாகத்தில் கதாநாயகன் யார் என்பது கேள்விக்குறியாக உள்ளது.
தூம் - தூம் 3
தூம், தூம் 2, தூம் 3 ஆகிய படங்களில் முறையே ஜான் ஆப்ரகாம், ஹிருத்திக்ரோஷன், அமீர்கான் ஆகியோர் முக்கிய வேடங்களில் நடித்திருந்தனர். 3 பாகங்களுமே வசூலில் நன்கு கல்லா கட்டின. தொடர்ந்து 4 வது பாகத்தை படக்குழுவினர் தற்போது எடுக்க ஆர்வம் காட்டி வருகின்றனர்.
சல்மான் தொடங்கி ஷாரூக் வரை
முதலில் ஷாரூக் நடிப்பார் என்றும் பின்னர் சல்மான் கான் பொருத்தமாக இருப்பார் என்றும், படக்குழுவினர் முடிவு செய்ததாக தகவல்கள் வெளியாகின. மேலும் இந்த பாகத்தில் ஹிருத்திக்ரோஷன் மற்றும் அமிதாப் பச்சன் ஆகியோர் நடிக்கவிருக்கிறார்கள் என்றும் கூறினர்.
பிரபாஸ்
தற்போது இந்த 4 வது பாகத்தில் பிரபாஸ் நடிக்கவிருக்கிறார் என்று புதிய தகவல்கள் வெளியாகி இருக்கின்றன. பாகுபலி படம் பிரபாஸிற்கு நல்ல ஒரு வரவேற்பை உலகம் முழுவதும் பெற்றுத் தந்தது, தெலுங்கு தவிர்த்து பாலிவுட்டில் அவரை நடிக்க வைக்கவும் தயாரிப்பாளர்கள் முயற்சி செய்து வருகின்றனர். இவற்றையெல்லாம் விட பிரபாஸ் பாலிவுட்டில் கால் பதிக்க தக்க தருணத்தை எதிர்நோக்கிக் காத்திருக்கிறார்.
பாகுபலியை பார்த்த படக்குழுவினர்
சமீபத்தில் தூம் படத்தை இயக்கப் போகும் விஜய் கிருஷ்ணா ஆச்சர்யா, ஆதித்யா சோப்ரா மற்றும் படக்குழுவினர் பாகுபலி படத்தை முழுவதுமாக பார்த்திருக்கின்றனர். படத்தின் ஹிந்திப் பதிப்பில் பிரபாஸின் நடிப்பு மற்றும் வசூல் ஆகியவை அவர்களின் மனதில் ஒரு தாக்கத்தை ஏற்படுத்தி இருக்கிறது. எனவே தூம் 4 ல் பிரபாசை நடிக்க வைக்கலாம் என்று ஒரு மனதாக முடிவெடுத்திருக்கின்றனர்.
ஹிருத்திக்ரோஷன்
தூம் 4 ல் நடிக்க பிரபாஸ் பொருத்தமாக இருப்பார் என்று நம்பும் படக்குழுவினர், விரைவில் இது தொடர்பான முறையான அறிவிப்புகள் வெளியாகும் என்று கூறியிருக்கின்றனர். தூம் 2 வில் நடித்து அனைவரையும் கவர்ந்த ஹிருத்திக்ரோஷன் இந்தப் படத்தில் ஒரு சிறப்புத் தோற்றத்தில் நடிக்கவிருக்கிறாராம்.