எதிர்பார்ப்பை எகிற வைத்த வலிமை மோஷன் போஸ்டர்...பீஸ்ட் சாதனையை முறியடிக்குமா ?

விவாதத்தை துவங்கிய ரசிகர்கள்

இதற்கிடையில் வழக்கம் போல் யார் நடிக்கும் ஃபஸ்ட்லுக் போஸ்டர் சாதனை படைக்கும் என அஜித் - விஜய் ரசிகர்கள் இணையத்தில் விவாதிக்க துவங்கி விட்டனர். ஏற்கனவே விஜய் ரசிகர்கள் பீஸ்ட் படம் பற்றிய தகவல்களை கொண்டாடி வரும் நிலையில், தற்போது இதுவும் சேர்ந்துள்ளது.

சாதனை படைத்த பீஸ்ட் ஃபஸ்ட்லுக்

நெல்சன் திலீப்குமார் இயக்கத்தில் விஜய் நடித்தும் வரும் தளபதி 65 படத்திற்கு பீஸ்ட் என டைட்டில் வைக்கப்பட்டுள்ளது. விஜய்யின் பிறந்தநாளை முன்னிட்டு பீஸ்ட் படத்தின் டைட்டில், ஃபஸ்ட்லுக் மற்றும் இரண்டாவது லுக்கை சன் பிக்சர்ஸ் நிறுவனம் மாஸாக வெளியிட்டது. வெளியிட்ட சில நிமிடங்களிலேயே இந்த போஸ்டர்களை விஜய் ரசிகர்கள் வைரலாக்கி விட்டனர்.

பீஸ்ட்டை கொண்டாடிய ரசிகர்கள்

அது மட்டுமல்ல இந்திய அளவில் அதிகமானவர்களால் மிக குறுகிய நேரத்தில் பார்க்கப்பட்ட, பகிரப்பட்ட ஃபஸ்ட்லுக் என்ற சாதனையையும் பீஸ்ட் ஃபஸ்ட்லுக் நிகழ்த்தியது. மாஸ்டர் படத்தின் பிரம்மாண்ட வெற்றியை கொண்டாடிய கையோடு, பீஸ்ட் படத்தில் நடிக்க துவங்கி விட்டார் விஜய். இதற்கே அவரது ரசிகர்கள் ஃபஸ்ட்லுக் சாதனை படைக்க வைத்து விட்டனர்.

எகிறும் எதிர்பார்ப்பு

ஆனால் அஜித் நடிக்கும் வலிமை படம் கடந்த 2 ஆண்டுகளாக அதிக எதிர்பார்ப்பை ஏற்படுத்தி, அப்டேட் கேட்டே படத்தின் பெயரை உலக ஃபேமஸ் ஆக்கி விட்டனர் அஜித் ரசிகர்கள். 2 ஆண்டுகள் காத்திருப்பிற்கு பிறகு வரும் கொண்டாட்டம். அதுமட்டுமின்றி மோஷன் போஸ்டருடன் ஃபஸ்ட்லுக் போஸ்டர், படம் ரிலீசாகும் தேதி வெளியாகும் என எதிர்பார்க்கப்படுகிறது. குறைந்தபட்சம் அஜித்தின் 6 மாஸ் ஸ்டில்களாவது வெளியிடப்படும் என கூறுகிறார்கள்.

அஜித் ரசிகர்கள் சும்மா விடுவார்களா

அதனால் அஜித் ரசிகர்களின் கொண்டாட்டத்திற்கு அளவே இருக்காது என்றே சொல்லலாம். ஏற்கனவே சாமி ஆடும் கோயில் பூசாரி, பிரதமர் என ஒருவரையும் விட்டு வைக்காமல் வலிமை அப்டேட் கேட்டவர்கள், படத்தின் மோஷன் போஸ்டர் வந்தால் சும்மாவா இருப்பார்கள்.