பெரிய பட்ஜெட்டா இருக்கே... இதையா போனி கபூர் வேணாம்னு சொன்னாரு?

வலிமை படம்

நடிகர் அஜித், ஹுமா குரோஷி உள்ளிட்டவர்கள் லீட் கதாபாத்திரங்களில் நடித்துள்ள படம் வலிமை. இந்தப் படத்தின் டீசர், ட்ரெயிலர், பாடல்கள் உள்ளிட்டவை வெளியாகி வரவேற்பை பெற்றுள்ளன. அஜித்தின் பல்வேறு போஸ்டர்கள் உள்ளிட்டவையும் வெளியாகின.

தள்ளிப் போன ரிலீஸ்

வரும் பொங்கலையொட்டி ரிலீசாக உள்ளதாக அறிவிக்கப்பட்டிருந்த நிலையில், கொரோனா உள்ளிட்ட காரணங்களால் படத்தின் ரிலீசை தள்ளி வைக்கும் முடிவை அஜித் மற்றும் படக்குழுவினர் எடுத்துள்ளனர். திரையரங்குகளில் 50 சதவிகித பார்வையாளர்களுக்கே அனுமதி என்ற அறிவிப்பும் மக்களின் நலனும் இதற்கு காரணமாக கூறப்பட்டுள்ளது.

ஓடிடி ஆஃபர்

இந்நிலையில் படத்தை ஓடிடியில் வெளியிட வந்த மிகப்பெரிய ஆஃபரை தற்போது போனி கபூர் நிராகரித்துள்ளதாக கூறப்பட்டுள்ளது. மிகப்பெரிய படங்களை வெளியிட்டு வரும் நெட்பிளிக்ஸ் நிறுவனம் தற்போது வலிமை படத்தையும் தனது தளத்தில் வெளியிட போனி கபூரிடம் டீல் பேசியதாக தெரிகிறது.

ரூ.350 கோடி டீல்

வலிமை படததை நெட்பிளிக்சில் நேரடியாக ரிலீஸ் செய்ய 350 கோடி ரூபாய்க்கு இந்த டீல் பேசப்பட்டுள்ளது. ஆனால் இதை போனி கபூர் மறுத்துள்ளார். அஜித்தின் படத்தை நேரடியாக திரையரங்குகளில் ரிலீஸ் செய்வதே சிறப்பாக இருக்கும் என்று அவர் இதை மறுத்துள்ளதாக கூறப்பட்டுள்ளது.

Valimai படத்தின் Shooting-ல் தல உடன் நடந்த சுவாரசிய சம்பவம் | H.Vinoth Exclusive

ரசிகர்கள் ஏமாற்றம்

அஜித்தின் படம் இன்னும் சில தினங்களில் ரிலீசாக இருந்த நிலையில், அதன் ரிலீஸ் தேதி தள்ளிப் போயுள்ளது ரசிகர்களை ஏமாற்றத்திற்கு உள்ளாக்கியுள்ளது. தினந்தோறும் படத்திற்கான கவுண்ட்வுனை அவர்கள் மேற்கொண்டு வந்த நிலையில் படம் ரிலீஸ் தள்ளிப் போயுள்ளது.

ரசிகர்கள் காத்திருப்பு

மக்களின் நலனை கருத்தில் கொண்டு இந்த நடவடிக்கை மேற்கொள்ளப் பட்டுள்ள நிலையில், விரைவில் நிலைமை சரியாகி படம் ரிலீசாகும் என்று எதிர்பார்ப்பில் ரசிகர்கள் காணப்படுகின்றனர். ஏற்கனவே நேர்கொண்ட பார்வை படத்திற்கு பிறகு இரண்டு ஆண்டுகள் அஜித் ரசிகர்கள் காத்துள்ளது குறிப்பிடத்தக்கது.