Thunivu Trailer: பீஸ்ட் சாதனையை முந்தியதா துணிவு ட்ரெய்லர்? 24 மணி நேரத்தில் 30 மில்லியன் வியூஸ்!

30 மில்லியன் வியூஸ்

புத்தாண்டை முன்னிட்டு டிசம்பர் 31ம் தேதி இரவு 7 மணிக்கு அஜித் ரசிகர்களுக்காக துணிவு படத்தின் மிரட்டலான ட்ரெய்லர் வெளியானது. வலிமை படத்தில் இருந்து டோட்டலாக மாறி நடிகர் அஜித் மாஸ் காட்டிய நிலையில், தொடர்ந்து அந்த படத்தின் ட்ரெய்லரை அஜித் ரசிகர்கள் அதிகளவில் ரிப்பீட் மோடில் பார்த்து 30 மில்லியன் வியூஸ் எனும் இமாலய சாதனையை படைத்துள்ளனர்.

பீஸ்ட் ரெக்கார்ட் முறியடிப்பு

நெல்சன் இயக்கத்தில் விஜய், பூஜா ஹெக்டே, செல்வராகவன் நடிப்பில் கடந்த ஆண்டு வெளியான பீஸ்ட் படத்தின் ட்ரெய்லர் அதிகபட்சமாக 24 மணி நேரத்தில் 30 மில்லியன் வியூஸ் அள்ளி இருந்தது. இந்நிலையில், 30 மில்லியன் வியூஸ் கடந்து துணிவு ட்ரெய்லர் பீஸ்ட் படத்தின் ட்ரெய்லர் சாதனையை சமன் செய்துள்ளது.

பாடல்கள் வியூஸ் குறைவு

துணிவு படத்தின் ஃபர்ஸ்ட் சிங்கிளான சில்லா சில்லா, செகண்ட் சிங்கிளான காசேதான் கடவுளடா மற்றும் கேங்ஸ்டா உள்ளிட்ட பாடல்கள் வெளியான போது அவற்றின் வியூஸ் மிகவும் குறைந்திருந்தது. இந்நிலையில், துணிவு படத்தின் ட்ரெய்லர் எக்கச்சக்க வியூஸ்களை கடந்து அதிரடி காட்டி உள்ளது.

25 மில்லியன் தான்

தயாரிப்பாளர் போனி கபூர் ரியல் டைமில் துணிவு படத்தின் ட்ரெய்லர் 30 மில்லியன் வியூஸ் கடந்து விட்டதாக ட்வீட் போட்டு அஜித் ரசிகர்களை ஹேப்பி ஆக்கி உள்ளார். அதே சமயம் விஜய் ரசிகர்கள் யூடியூபில் துணிவு ட்ரெய்லர் இப்ப கூட 25 மில்லியன் வியூஸ் தான் காட்டுது ஏமாற்று வேலை என ட்ரோல் செய்து வருகின்றனர்.

வாரிசு ட்ரெய்லர் எப்போ

அஜித்தின் துணிவு படத்தின் ட்ரெய்லர் வெளியாகி சாதனை படைத்துள்ள நிலையில், வாரிசு படத்தின் ட்ரெய்லர் குறித்த எந்தவொரு அப்டேட்டையும் தில் ராஜு வெளியிடாமல் இருப்பது விஜய் ரசிகர்களை கடுப்பில் ஆழ்த்தி உள்ளது. எப்போதான் வாரிசு படத்தின் ட்ரெய்லர் வெளியாகும் என ரசிகர்கள் வெறித்தனமாக கேட்டு வருகின்றனர். துணிவு ட்ரெய்லர் சாதனையை வாரிசு ட்ரெய்லர் முறியடிக்குமா என்பதை வெயிட் பண்ணி பார்ப்போம்..