இதுதான் மரியாதை.. பார்த்திபன் காலில் விஜய் அப்பா விழுந்தாரா? பேச்சால் ஏற்பட்ட சர்ச்சை!

என்ன பேசினார்

இந்த விழாவில் பேசிய இயக்குனர் சந்திரசேகர், நான் பொதுவாக சிலரை மட்டும் பார்த்துதான் வியந்து இருக்கிறேன். அதிலும் மூன்று பேரின் படங்களை பார்த்துவிட்டு பெரிதும் வியந்துள்ளேன். நான் பார்த்து முதலில் வியந்த படம் சங்கராபரணம்.

காலில் விழுந்தேன்

இந்த படத்தை பார்த்துவிட்டு அதன் இயக்குனர் கே விஸ்வநாத் காலில் விழுந்தேன் . அதன்பின் அரங்கேற்றம் பார்த்துவிட்டு இயக்குநர் கே பாலச்சந்தர் காலில் விழுந்தேன். கடைசியாக புதிய வார்ப்புகள் பார்த்துவிட்டு இயக்குனர் பாக்யராஜ் காலில் விழுந்தேன்.

மரியாதை

நான் அதே மரியாதையை ஒத்த செருப்பு படம் பார்த்துவிட்டு பார்த்திபனுக்கு செய்துள்ளேன். அவர் மிக அருமையாக படம் எடுத்துள்ளார். ஒரே நபரை வைத்து இவ்வளவு பெரிய திரில்லரை கொண்டு செல்ல முடியும் என்பதை அவர் சிறப்பாக நிரூபித்துவிட்டார் என்று கூறி உள்ளார்.

பலரும் கேள்வி

ஆனால் இதில் சந்திரசேகர் பார்த்திபன் காலில் விழுந்தாரா என்று கூறவில்லை. அதே சமயம் ''நான் அவருக்கு அந்த மரியாதையை செய்துவிட்டேன்'' என்று சந்திரசேகர் கூறியுள்ளார். இதனால் பார்த்திபன் காலில் சந்திரசேகர் விழுந்து மரியாதை செய்து இருப்பாரோ என்று கேள்வி எழுந்துள்ளது.