சூப்பர்ஸ்டாருடன் பொங்கலை கொண்டாடிய ஐஸ்வர்யா ரஜினி.. க்யூட் புகைப்படங்கள் இதோ!

இயக்குநர் ஐஸ்வர்யா ரஜினி

நடிகர் ரஜினிகாந்தின் மூத்த மகளும் இயக்குநருமான ஐஸ்வர்யா ரஜினிகாந்த், 3 மற்றும் வை ராஜா வை போன்ற படங்களை இயக்கியுள்ளார். இந்தப் படங்கள் விமர்சனரீதியாக வெற்றி பெற்றன. பின்னணி பாடகியாகவும், நடன நிகழ்ச்சியின் நடுவர் போன்றவற்றிலும் தன்னுடைய சிறப்பை வெளிப்படுத்தியுள்ளார் ஐஸ்வர்யா.

லால் சலாம் படம்

இந்நிலையில் தற்போது லால் சலாம் என்ற படத்தை இயக்கவுள்ளார். இந்தப் படத்தில் விஷ்ணு விஷால் மற்றும் விக்ராந்த் இணைந்து நடிக்கின்றனர். இந்தப் படத்தின் பூஜை கடந்த நவம்பரில் நடைபெற்றது. படத்தில் சூப்பர்ஸ்டார் ரஜினிகாந்த் முக்கியமான கேரக்டரில் நடிக்கவுள்ளார்.

கேரியரில் கவனம்

முன்னதாக நடிகர் தனுஷுடனான தன்னுடைய 18 ஆண்டுகால வாழ்க்கையை முறித்துக் கொள்வதாக அறிவித்த ஐஸ்வர்யா ரஜினி, தன்னுடைய கேரியர், உடல்நலன், குழந்தைகள் உள்ளிட்டவற்றில் அதிக கவனம் செலுத்தி வருகிறார். சமூக வலைதளங்களில் அவரை அதிகமாக பார்க்க முடிகிறது.

சமூக வலைதளங்களில் பிசி

தொடர்ந்து பிட்னஸ் வீடியோக்கள், ஆன்மீக சுற்றுப் பயணங்கள், குழந்தைகளுடன் செலவழிக்கும் நேரம், தன்னுடைய தந்தையுடனான பயணங்கள் உள்ளிட்டவற்றை இன்ஸ்டாகிராமில் பகிர்ந்து வருகிறார். இந்த வீடியோக்கள் ரசிகர்களை வெகுவாக கவர்ந்து வருகின்றன.

ரஜினியுடன் பொங்கல் கொண்டாட்டம்

இந்நிலையில் தன்னுடைய தந்தை ரஜினிகாந்த், தாய் லதா ரஜினிகாந்த் மற்றும் குடும்பத்தினருடன் தான் கொண்டாடிய பொங்கல் பண்டிகையின் புகைப்படங்களை தற்போது இன்ஸ்டாகிராமில் பகிர்ந்துள்ளார் ஐஸ்வர்யா ரஜினிகாந்த். இந்தப் புகைப்படங்களில் அழகான காஸ்ட்யூமில் பொங்கல் வைத்த புகைப்படங்கள் காணப்படுகின்றன.

ரஜினியிடம் ஆசிர்வாதம்

தொடர்ந்து, மாடுகளுக்கு உணவளிக்கும் ஐஸ்வர்யா ரஜினிகாந்த், தன்னுடைய குழந்தைகளுடன் இணைந்து ரஜினி -லதா ரஜினியிடம் ஆசிர்வாதம் பெற்றுக் கொள்ளும் புகைப்படங்களையும் அவர் பகிர்ந்துள்ளார். இந்தப் பொங்கல் அனைவருக்கும் சிறப்பாக அமைந்திருக்கும் என்றும் நம்பிக்கை தெரிவித்துள்ளார்.