Don't Miss!
- News வந்துவிட்டது "அல்ட்ரா மாடல்" பேருந்து.. சென்னை, கோவை, மதுரைக்கு அடித்த லக்.. எப்படி இருக்கு பாருங்க?
- Sports IPL Classics - டெல்லியை பொளந்த மும்பை அணி.. 146 ரன்கள் வித்தியாசத்தில் வென்ற கதை
- Finance Youtubeஇல் 1 லட்சம் சப்ஸ்கிரைபர்ஸ் இருந்தா இவ்ளோ வருமானம் கிடைக்குமா? கிரியேட்டர்ஸுக்கு வாழ்வு தான்..
- Automobiles கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- Technology ஏர்டெல் காலி.. மாதாந்திரம் ரூ.141 போதும்.. 336 நாட்கள் வேலிடிட்டி.. 5ஜி டேட்டா.. அன்லிமிட் வாய்ஸ் கால்கள்!
- Lifestyle இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
'சேதுபதி' அருண்குமார் இயக்கத்தில் விஷால்?
சென்னை: மீண்டும் ஒரு ஆக்ஷன் கதையை எடுக்கப்போவதாக இயக்குநர் அருண்குமார் தெரிவித்திருக்கிறார்.
'பண்ணையாரும் பத்மினியும்', 'சேதுபதி' என 2 படங்களிலும் விஜய் சேதுபதியை இயக்கிய அருண்குமார் தற்போது அடுத்த படத்திற்கு தயாராகிக் கொண்டிருக்கிறார்.
அறிமுகப்படமான 'பண்ணையாரும் பத்மினியும்' எதிர்பார்த்த அளவு ஓடவில்லை. எனினும் அருண்குமார்-விஜய் சேதுபதி கூட்டணியில் 2 வது முறையாக வெளியான 'சேதுபதி' அருண்குமாருக்கு நல்ல பெயரை பெற்றுத் தந்தது.
இதனால் அருண்குமாரின் அடுத்த படம் குறித்த எதிர்பார்ப்பு ரசிகர்கள் மத்தியில் அதிகமாக இருக்கிறது. மேலும் விஜய் சேதுபதியைத் தொடர்ந்து விஷாலை இவர் இயக்கப் போவதாகவும் தகவல்கள் வெளியாகின.
இந்நிலையில் தன்னுடைய அடுத்த படம் குறித்த தகவல்களை தற்போது அருண்குமார் பகிர்ந்து கொண்டிருக்கிறார். இதுகுறித்து அவர் ''என்னுடைய அடுத்த படம் அதிரடி கலந்த ஆக்ஷன் என்ற ரீதியில் இருக்கும்.
இந்தப் படத்தின் திரைக்கதை எழுதும் பணி தற்போது முடியும் தருவாயில் இருக்கிறது.இந்த கதையின் நாயகனாக இதுவரை நான் யாரையும் தேர்வு செய்யவில்லை.
தற்போது இப்படம் குறித்த தகவல்களை என்னால் வெளியிடமுடியாது இப்போதைக்கு இதுவொரு ஆக்ஷன் மற்றும் விறுவிறுப்பு கலந்த கதை என்பது மட்டும் உறுதி.
விரைவில் இப்படம் குறித்த அதிகாரப்பூர்வ தகவல்கள் வெளியாகும்" என்று கூறியிருக்கிறார். 3 வது முறையாக விஜய் சேதுபதி-அருண்குமார் இப்படத்தில் இணைவார்களா? இல்லை வேறு ஹீரோவை அருண்குமார் இயக்கப் போகிறாரா? என்பது தெரியவில்லை.