சூர்யாவுக்கு அடுத்த கதை ரெடி: புது எனர்ஜியோடு தயாராகும் ஹரி

கல்யாண சாப்பாடு

ஒவ்வொருவருக்கும் ஒவ்வொரு விதமான ரசனை இருக்கும். தனிப்பட்ட ரசனைக்கான படம் எடுக்க முடியாது. ஹரி படம் என்பது கல்யாணச் சாப்பாடு போல. இங்கு எல்லாமும் இருக்கும். உங்களுக்குத் தேவையானதை எடுத்துக்கொள்ளலாம். குருதிப்புனல் படம் நீங்கள் சொல்வதைப் போல இருக்கும். ஆனால் அதுபோன்ற படத்தை என்னால் எடுக்க முடியாது.

ரஜினி, கமல், விஜய், அஜித்

இதுநாள்வரை விக்ரம், விஷால், சூர்யா ஆகியோருடன்தான் அதிகம் படம் செய்துள்ளேன். ரஜினி, கமல், விஜய், அஜித் ஆகியோருடன் வேலை செய்யும் வாய்ப்பு இதுவரை கிடைக்கவில்லை. கிடைத்தால் நிச்சயம் செய்வேன்.

கதை வேணுமே

புதுமுகங்களை வைத்துப் படம் எடுப்பதற்குக் கதை வேண்டும். கதையம்சம் உள்ள படங்களை நான் எடுப்பதில்லை. அதனால் புதுமுகங்களை வைத்து எடுக்க முடியாது.

சிங்கம் மூன்றாம் பாகமா?

அடுத்த படம் சூர்யா உடன்தான் என்று முடிவாகியுள்ளது. அது சிங்கம் 3தானா என்று முடிவாகவில்லை. நாங்கள் நிறைய கதையைப் பேசி வைத்திருக்கிறோம் என்கிறார் ஹரி. அடுத்தது அரிவாளா? துப்பாக்கியா என்பதை கதைதான் முடிவு செய்யுமாம்.

சூர்யாவும் தயார்

ஹரியின் இயக்கத்தில் ஆறு, வேல், சிங்கம், சிங்கம் 2 என நடித்துள்ள சூர்யா, மாஸ் படத்திற்குப் பிறகு ஹரியின் இயக்கத்தில் நடிக்க தயாராகி வருவதாகவும் கூறப்படுகிறது.

சிங்கமோ, வேலோ ஆயுதத்தை பார்த்து கொஞ்சம் புடிங்க ஹரி.