Don't Miss!
- Sports "3 வருடத்தில் ஐபிஎல் தொடரே இருக்காது".. ஆனால் நடந்தது இதுதான்.. அஸ்வின் அதிரடி
- News சின்னம் என்னனே தெரியல.. பிரச்சாரத்தில் சுணங்கிய திமுக கூட்டணி.. திருச்சியில் வேகம் எடுக்கும் அதிமுக!
- Lifestyle 150 ஆண்டுகளுக்கு முன்னாடியே இந்தியாவின் முதல் செல்பியை தனது மனைவியுடன் எடுத்தது இந்த ராஜாதானாம்..போட்டோ உள்ளே!
- Finance கௌதம் அதானி கையில் பணம் விளையாடுது.. ரூ.6,661 கோடி புதிய முதலீடு..!!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Technology வாவ்.. சும்மா அள்ளுது.. 6000எம்ஏஎச் பேட்டரி.. 50எம்பி கேமரா.. 128ஜிபி மெமரி.. எந்த மாடல்?
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
தெலுங்கில் முன்னணி ஹீரோவுடன் இணையும் லோகேஷ் கனகராஜ்.. யார் அந்த ஹீரோ தெரியுமா?
சென்னை : இயக்குநர் லோகேஷ் கனகராஜ் 4 படங்களை மட்டுமே இயக்கியுள்ளார். ஆனால் அனைத்துமே மிகுந்த கவனம் பெற்றுள்ளன.
குறிப்பாக சமீபத்தில் வெளியான விக்ரம் படம் இவருக்கு மிகவும் சிறப்பாக கைக்கொடுத்துள்ளது.
இதையடுத்து சர்வதேச அளவில் கவனம் பெற்றுள்ளார் லோகேஷ் கனகராஜ். அவருக்கு வாய்ப்புகள் குவிந்து வருகின்றன.
கமல்..ரஜினி..லோகேஷ் கனகராஜ்..மாஸ் கூட்டணி.. தரமான சம்பவம் லோடிங்!
லோகேஷ் இயக்கிய படங்கள்
இயக்குநர் லோகேஷ் கனகராஜ் இதுவரை 4 படங்களை மட்டுமே இயக்கியுள்ளார். யாரிடமும் உதவி இயக்குநராக பணியாற்றாமல் நேரடியாக வங்கி வேலையிலிருந்து சினிமாவிற்கு வந்து தன்னுடைய முழுமையான முயற்சியால் தற்போது சாதித்துள்ளார் லோகேஷ் கனகராஜ். குறிப்பாக அவருக்கு விக்ரம் படம் சிறப்பாக கைக்கொடுத்துள்ளது.
லோகேஷ் யூனிவர்ஸ்
முன்னதாக மாநகரம், கைதி, மாஸ்டர் என மூன்று படங்களையும் வித்தியாசமாக கொடுத்திருந்த லோகேஷ், விக்ரம் படத்தில் லோகேஷ் யூனிவர்ஸ் என்ற முறையில் அந்தப் படங்களை இணைத்துள்ளது வித்தியாசமாக பார்க்கப்படுகிறது. தமிழில் சிறப்பான முயற்சியாகவும் உள்ளது.
தளபதி 67 படம்
அடுத்ததாக விஜய்யுடன் தளபதி 67 படத்தில் லோகேஷ் இணையவுள்ள நிலையில், அந்தப் படமும் இந்த யூனிவர்சில் இணையுமா என்பது குறித்து அறிந்துக் கொள்ள ரசிகர்கள் அதிக ஆர்வம் காட்டுகின்றனர். விஜய் இந்தப் படத்தில் 40 வயது கேங்ஸ்டராக நடிக்கவுள்ளதாக முன்னதாக பேட்டியொன்றில் லோகேஷ் தெரிவித்திருந்தார்.
ரசிகர்கள் வெயிட்டிங்
இந்தப் படத்தின் அறிவிப்பு இன்னும் அதிகாரப்பூர்வமாக அறிவிக்கப்படவில்லை. அந்த அறிவிப்பிற்காக ரசிகர்கள் மரண மாஸ் வெயிட்டிங். ரசிகர்களின் நாடித் துடிப்பை எகிற வைக்கும் இந்த அறிவிப்பு விரைவில் வெளியாகவுள்ளதாக கூறப்பட்டுள்ளது. லோகேஷ் -விஜய் கூட்டணியில் வெளியான மாஸ்டர் படம் சிறப்பாக அமைந்தது.
100 சதவிகிதம் லோகேஷ் படம்
ஆனால் விஜய் பெரிய ஹீரோ என்பதால் அந்தப் படத்தில் சில சமரசங்களை செய்துக் கொண்டதாகவும் ஆனால் தற்போது இருவருக்கும் நல்ல புரிதல் ஏற்பட்டுள்ளதால் தளபதி 67 படம் 100 சதவிகிதம் தன்னுடைய படமாகவே அமையும் என்றும் முன்னதாக பேட்டியொன்றில் லோகேஷ் தெரிவித்துள்ளார்.
ராம்சரணுடன் படம்
அதனால் தளபதி 67 படம், விக்ரம் படம் போல சிறப்பாக ரசிகர்களை கவரும் வகையில் அமையும் என்று எதிர்பார்க்கப்படுகிறது. இதனிடையே, விரைவில் ராம்சரணுடன் இணைந்து தான் படமியக்க உள்ளதாக லோகேஷ் சமீபத்திய பேட்டியில் தெரிவித்துள்ளார். இந்தப் படம் கண்டிப்பாக பிரம்மாண்டமான படமாக அமையும் என்றும் அவர் கூறியுள்ளார்.
பிரம்மாண்டமான படம்
ராம் சரண் மற்றும் லோகேஷ் இருவரும் 2 முதல் 3 படங்களில் ஒப்பந்தமாகியுள்ள நிலையில், அந்தப் படங்களை முடித்துக் கொண்டு, இருவரும் இணையவுள்ளதாகவும் லோகேஷ் தெரிவித்துள்ளார். கோலிவுட்டிலேயே மோஸ்ட் வான்டட் இயக்குநராக மாறியுள்ள லோகேஷ் கனகராஜ் மற்ற மொழி ஹீரோக்களுடன் இணைவது சிறப்பாக பார்க்கப்படுகிறது.