Don't Miss!
- Technology கம்ப்யூட்டர் Keyboard: F மற்றும் J கீயில் மட்டும் கோடு இருப்பது ஏன்? இது தெரியாம டைப் செஞ்சா கேலி செய்வாங்க..
- News ஏத்துக்கவே முடியாது..புண்படுத்திட்டீங்க! ஒன்று கூடிய தமிழக கட்சிகள்..மோடி மீது டைரக்ட் அட்டாக்..!
- Lifestyle இந்த பழங்களை சாப்பிட்ட பிறகு தண்ணீர் குடிக்கக் கூடாதாம்... ஏன் தெரியுமா?
- Finance முகேஷ் அம்பானி ஸ்ட்ரிக்ட் ஆர்டர்..!! 'இங்க' தான் ஆனந்த் அம்பானி - ராதிகா திருமணம்..!
- Automobiles இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
- Sports சிஎஸ்கே அணிக்கு சிக்கல்.. பிளே-ஆஃப் வாய்ப்புக்கு ஆப்பு வைத்த 2 அணிகள்.. இனி என்ன செய்ய வேண்டும்?
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இயக்குநரும் நடிகருமான ராஜ்கபூரின் மகன் ஷாரூக் 23 வயதில் திடீர் மரணம்.. அதிர்ச்சியில் திரைத்துறை!
சென்னை: இயக்குநரும் நடிகருமான ராஜ்கபூரின் மகன் ஷாருக் கபூர் தனது 23 வயதில் உடல் நலக்குறைவால் காலமாகியுள்ளார்.
நடிகர் பிரபு நடிகை கனகா நடிப்பில் வெளியான தாலாட்டு கேக்குதம்மா படத்தின் மூலம் இயக்குநராக அறிமுகமானவர் ராஜ் கபூர். நடிகர் அஜித்தை வைத்து அவள் வருவாளா மற்றும் ஆனந்த பூங்காற்றே ஆகிய படங்களையும் இயக்கினார்.
உத்தமராசா, சுதந்திரம், என்ன விலை அழகே, சமஸ்தானம், குஸ்தி உள்ளிட்ட பல படங்களை இயக்கியிருக்கிறார் ராஜ் கபூர். இவரது இயக்கத்தில் கடைசியாக வெளியான படம் வம்பு சண்டை.
படங்கள்
இயக்குநர் மட்டுமின்றி நடிகராகவும் உள்ளார் ராஜ் கபூர். ஆனந்த பூங்காற்றே, தாஜ்மகால், ஏழையின் சிரிப்பில், மாயி, வாஞ்சினாதன், தென்னவன், விசில், அய்யா, ஆறு, அரண்மனை 2, வாகா, கொடி, மாயாண்டி குடும்பத்தார், முத்தக்கு முத்தாக உள்ளிட்ட ஏராளமான படங்களில் நடித்துள்ளார் ராஜ் கபூர். கடைசியாக அவரது நடிப்பில் வந்தா ராஜாவாதான் வருவேன் படம் வெளியானது.
ஒரு மகன் 2 மகள்கள்
அதுமட்டுமின்றி சீரியல்களிலும் நடித்துள்ளார் ராஜ்கபூர். சன்டிவியில் ஒளிபரப்பான நந்தினி சீரியலில் நடித்துள்ளார். அதனை தொடந்து ராசாத்தி சீரியலிலும் நடித்தார். தற்போது ஒளிபரப்பாகும் ரன் சீரியலிலும் நடித்து வருகிறார் ராஜ் கபூர். இவருக்கு ஷைலஜா கபூர் என்ற மனைவியும் ஷாரூக் கபூர் என்ற ஒரு மகனும் மற்றும் ஷமிமா கபூர் மற்றும் ஷானியா கபூர் என்ற இரண்டு மகள்களும் உள்ளனர்.
மகன் திடீர் மரணம்
இந்நிலையில் ராஜ்கபூரின் மனைவியும் அவரது மகன் ஷாரூக் கபூரும் மெக்காவுக்கு புனித பயணம் சென்றதாக தெரிகிறது. அங்கு கடுமையான சளி மற்றும் மூச்சு திணறலால் பாதிக்கப்பட்ட ஷாரூக் கபூர் அங்கேயே உயிரிழந்திருக்கிறார். 23 வயதே ஆன ஷாரூக் கபூர் திடீரென மரணமடைந்த தகவல் ராஜ்கபூர் மற்றும் அவரது குடும்பத்தினரை பேரதிர்ச்சியில் ஆழ்த்தியுள்ளது.
திரைத்துறை அதிர்ச்சி
இந்த தகவலை கேட்டு ஒட்டு மொத்த திரைத்துறையும் அதிர்ச்சியில் ஆழ்ந்திருக்கிறது. அவரது உடலை சென்னைக்கு கொண்டு வரும் முயற்சியில் நடிகர் ராஜ் கபூர் ஈடுபட்டுள்ளார். இதனிடையே மெக்காவில் இருந்து உடலை சொந்த ஊருக்கு கொண்டு வருவது அவ்வளவு எளிதான காரியம் இல்லை என்றும் கூறப்படுகிறது.
குஷ்பு குடும்பத்திற்கு நெருக்கம்
தனது ஒரே மகனான ஷாரூக் கபூரை ஹீரோவாக்க வேண்டும் என்ற ஆசையில் இருந்தார் ராஜ் கபூர். இந்நிலையில் அவரது திடீர் மரணம் அவரை உலுக்கியிருக்கிறது. மரணமடைந்த ஷாரூக் கபூர், இயக்குநர் சுந்தர் சி மற்றும் நடிகை குஷ்புவின் குடும்பத்தினருக்கு மிகவும் நெருக்கமானவர் என்பது குறிப்பிடத்தக்கது.