Don't Miss!
- Sports IPL 2024 : கேகேஆர் அணியில் பேட்டிங் வாய்ப்பு கிடைக்கவில்லை.. என்ன காரணம்? உண்மையை சொன்ன ரிங்கு சிங்!
- News எங்களை பாதுகாத்துக்கொள்ள தெரியும்! நட்பு நாடுகளின் அட்வைஸை ஏற்காத இஸ்ரேல்! மத்திய கிழக்கில் பதற்றம்
- Technology வாங்குனா நீதான்.. இயர்பட்ல டால்பி அட்மோஸ்.. ஹெட் டிராக்கிங்.. வயர்லெஸ் சார்ஜிங்.. எந்த மாடல்?
- Automobiles என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
- Lifestyle Today Rasi Palan 18 April 2024: இன்று இந்த ராசிக்காரர்கள் கடன் வாங்குவதைத் தவிர்ப்பது நல்லது...
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
தளபதி 66ன் அடுத்த சிறப்பு... இரண்டாவது முறையாக வம்சியுடன் இணையும் பிரபல இயக்குநர்!
சென்னை : தெலுங்குப்பட இயக்குநர் வம்சி இயக்கத்தில் தளபதி 66 படம் உருவாகவுள்ளது.
20 ஆண்டுகள் கழித்து இந்தப் படத்தில் மீண்டும் குடும்ப பாங்கான கதையில் நடிகர் விஜய் நடிக்கவுள்ளார்.
இந்நிலையில் இந்தப் படத்தில் வம்சியுடன் இணைந்து பிரபல இயக்குநர் பணியாற்ற உள்ளதாக கூறப்பட்டுள்ளது.
தல – தளபதி இருவரில் யார் ஹாட்? யார் ஸ்மார்ட்?...தமன்னா சொன்ன செம பதில்
விஜய்யின் பீஸ்ட் படம்
நடிகர் விஜய் நடிப்பில் மாஸ்டர் படத்திற்கு பிறகு பீஸ்ட் படம் உருவாகியுள்ளது. நெல்சன் திலீப்குமார் இயக்கத்தில் இந்தப் படத்தில் விஜய்க்கு ஜோடியாகியுள்ளார் பூஜா ஹெக்டே. இந்தப் படத்தில் இருவருக்குமான கெமிஸ்ட்ரி மிகச்சிறப்பாக அமைந்துள்ளதாக கூறப்பட்டுள்ளது.
ஏப்ரல் வெளியீடு
இந்தப் படம் வரும் ஏப்ரல் மாதத்தில் தமிழ்ப் புத்தாண்டு மற்றும் கோடைக் கொண்டாட்டமாக ரிலீசாக உள்ளது. படத்தின் போஸ்ட் புரொடக்ஷன்ஸ் பணிகள் இறுதிக்கட்டத்தை அடைந்துள்ள நிலையி சில பேட்ச் வேலைகள் மட்டுமே மீதமுள்ளதாக படக்குழு சார்பில் தெரிவிக்கப்பட்டுள்ளது.
அடுத்தப்பட அறிவிப்பு
இந்தப் படம் இன்னும் ரிலீசாகாத நிலையில், அதற்குள்ளாக தனது அடுத்தப்படம் குறித்த அறிவிப்பை செய்தார் நடிகர் விஜய். தெலுங்குப்பட இயக்குநர் வம்சி இயக்கத்தில் இந்தப் படம் தமிழ் மற்றும் தெலுங்கில் பான் இந்தியா படமாக உருவாகவுள்ளது.
குடும்பப்பாங்கான படம்
இந்தப் படம் விஜய்யின் பூவே உனக்காக உள்ளிட்ட படங்களை போல குடும்பப் பாங்கான படமாக அமையவுள்ளதாக படத்தின் தயாரிப்பாளர் தில் ராஜூ தனது சமீபத்திய பேட்டியில் தெரிவித்துள்ளார். 20 ஆண்டுகள் கழித்து விஜய் இத்தகைய படத்தில் நடிக்கவுள்ளதாகவும் அவர் கூறியுள்ளார்.
படத்தில் இணைந்த ராஜூ முருகன்
இந்நிலையில் இந்தப் படத்தில் புதிய இணைப்பாக பிரபல இயக்குநர் ராஜூ முருகன் இணையவுள்ளதாக தற்போது தெரிவிக்கப்பட்டுள்ளது. இவர் முன்னதாக வம்சி இயக்கத்தில் வெளியான தோழா படத்தில் வசனங்களை எழுதியுள்ள நிலையில் தற்போது மீண்டும் வம்சியுடன் இணைந்து தளபதி 66 படத்திற்கும் வசனங்களை எழுதவுள்ளதாக கூறப்பட்டுள்ளது.
தோழா படம்
வம்சி இயக்கத்தில் கார்த்தி, நாகார்ஜூனா நடிப்பில் வெளியான தோழா படம் அதன் காட்சிகளுக்காக மட்டுமின்றி தமிழ் வசனங்களுக்காகவும் பேசப்பட்டது. இந்தப் படம் மிகசிறந்த வெற்றியை பெற்ற நிலையில் தற்போது அந்த சென்டிமெண்ட்டை கைவிடாமல் வம்சி இந்தப் படத்தில் ராஜூ முருகனையும் இணைத்துள்ளதாக கூறப்படுகிறது.
அடுத்த மாதத்தில் சூட்டிங்
தளபதி 66 படத்தின் சூட்டிங் அடுத்த மாதத்தில் துவங்கவுள்ளதாக கூறப்பட்டுள்ளது. மேலும் இந்தப் படம் குடும்ப சென்டிமெண்டை மையமாக கொண்டு உருவாகவுள்ளதாகவும் கூறப்பட்டுள்ளது. முன்னதாக தோழா படமும் குடும்ப சென்டிமெண்டை மையமாக வைத்து வெளியான நிலையில், தற்போது அந்தப் படத்திற்கு வசனங்களை எழுதிய ராஜூ முருகன் இந்தப் படத்திலும் இணைந்துள்ளது எதிர்பார்ப்பை ஏற்படுத்தியுள்ளது.