“இனி நோ அடல்ஸ் ஒன்லி படங்கள்”... சர்ச்சை இயக்குநர் அதிரடி முடிவு.. ஈரானிய படத்தை ரீமேக் செய்கிறார்?

சில்ட்ரன் ஆப் ஹெவன்:

இதனால் சில காலம் இயக்கத்தில் இருந்து விலகி இருந்த சாமி, தற்போது மீண்டும் ஒரு படத்தை இயக்கி வருகிறார். இப்படம் அவரது முந்தைய படங்களைப் போல் சர்ச்சைப் படமல்ல. அதற்கு மாறாக, பல சர்வதேச விருதுகளை வென்ற ஈரானிய படமான ‘சில்ட்ரன் ஆப் ஹெவன்' என்ற படத்தின் ரீமேக் இது எனத் தகவல்கள் தெரிவிக்கின்றன.

மஜித் மஜிதி படம்:

உலக சினிமா காதலர்களால் மறக்க முடியாத படம் இது. கடந்த 1997ம் ஆண்டு ரிலீசான இப்படத்தை இயக்குநர் மஜித் மிஜிதி இயக்கியிருந்தார். ஏழைக் குடும்பத்தைச் சேர்ந்த அண்ணன், தங்கையின் பாசத்தை அழகாக பதிவு செய்த படம் இது. 1998ம் ஆண்டு ஆஸ்கர் விருதுக்குக் கூட இப்படம் பரிந்துரை செய்யப்பட்டது.

அக்கா குருவி:

தற்போது இப்படத்தைத் தான், ‘அக்கா குருவி' என்ற பெயரில் சாமி இயக்கி வருவதாகக் கூறப்படுகிறது. கொடைக்கானல் அருகே உள்ள பூம்பாறை பகுதியில் இப்படத்தின் முழுப் படப்பிடிப்பும் நடைபெற்றுள்ளது. மதுரை முத்து மூவிஸ், கனவு தொழிற்சாலை நிறுவனத்துடன் இணைந்து தயாரிக்கும் இந்த படத்தைப் பற்றிய தகவல் வெளியாகியுள்ளது.

உத்பல் நாயனார்:

முன்னணி மலையாள ஒளிப்பதிவாளரும் ‘சிந்து சமவெளி'படத்தின் ஒளிப்பதிவாளருமான உத்பல் நாயனாரே இப்படத்திற்கும் ஒளிப்பதிவாளர். படத்தில் அனைவரும் புதுமுகங்கள் எனக் கூறப்படுகிறது.

மே மாத ரிலீஸ்:

கோடை விடுமுறையை ஒட்டி இப்படம் வரும் மே மாதம் திரைக்கு வர இருக்கிறது. தமிழ் மட்டுமின்றி தெலுங்கில் இப்படம் ரிலீசாகிறது. நிச்சயம் இப்படம் மூலம் தன் மீதுள்ள சர்ச்சை இயக்குநர் பட்டத்தை நீக்கி, குழந்தைகளுக்கும் பிடித்த இயக்குநர் என்ற பேரை சாமி பெறுவார் என எதிர்பார்க்கப்படுகிறது.