கல்லூரி நாட்களில் என்னை மறந்து லயித்துக்கிடந்த எழுத்து நாட்கள்.. கி.ரா மரணம்.. சீனுராமசாமி இரங்கல்!

பல்கலை பேராசிரியர்

7ம் வகுப்பே படித்து இருந்தாலும் புதுச்சேரி பல்கலைக்கழகத்தில் சிறப்புப் பேராசிரியராக பணியாற்றிய இவர் சாகித்திய அகாதமி விருதை பெற்றவர். கடந்த இரண்டு ஆண்டுகளாக உடல் நலக்குறைவால் பாதிக்கப்பட்டிருந்தார் கி.ரா.

கிரா மறைவுக்கு இரங்கல்

இந்நிலையில் உடல் நலக்குறைவால் நேற்று இரவு எழுத்தாளர் கி.ரா காலமானார். அவரது மறைவுக்கு அரசியல் கட்சியினர், எழுத்தாளர்கள் என பலரும் இரங்கல் தெரிவித்து வருகின்றனர்.

ஆளுநர் இரங்கல்

அவரது மறைவுக்கு தமிழக முதல்வர் ஸ்டாலின், புதுச்சேரி முதல்வர் ரங்கசாமி என பலரும் இரங்கல் தெரிவித்துள்ளனர். புதுச்சேரி துணைநிலை ஆளுநர் தமிழிசை சவுந்தர்ராஜன் நேரில் சென்று அஞ்சலி செலுத்தினார்.

சீனு ராமசாமி இரங்கல்

இதனை தொடர்ந்து அவரது உடல் சொந்த ஊரான கோவில் பட்டிக்கு கொண்டு செல்லப்பட்டது. இந்நிலையில் எழுத்தாளர் கி ராவின் மறைவுக்கு இயக்குநர் சீனு ராமசாமி டிவிட்டரில் இரங்கல் தெரிவித்துள்ளார்.

லயித்துக்கிடந்த எழுத்து நாட்கள்

இதுதொடர்பான தனது பதிவில், கல்லூரி நாட்களில் என்னை மறந்து லயித்துக்கிடந்த எழுத்து நாட்கள். வட்டார மொழியில் உலகத்தின் உன்னத உணர்வுகளை உணர்ச்சிகளை உணரச்செய்த இலக்கியக் கர்த்தா

என் இனிய கரிசல் காட்டு கடுதாசி,
செம்மண் தரை. எழுத்தாளர் கி.ராஜநாராயணன் அவர்களுக்கு இதய அஞ்சலி.. என குறிப்பிட்டுள்ளார்.