Click it and Unblock the Notifications
ஆண்களை நீக்கினால் சிறந்த இயக்குநர்.. பெண்களை நீக்கினால் பாலியல் பழியா? சீனு ராமசாமி வேதனை!
சென்னை: இயக்குநர் சீனு ராமசாமி பல நடிகைகளுக்கு பாலியல் தொல்லை கொடுத்ததாக பிஸ்மி கூறியுள்ள நிலையில், சீனு ராமசாமி தனது ட்விட்டர் பக்கத்தில் அடுக்கடுக்கான பல கேள்விகளை கேட்டுள்ளார்.
சீனு ராமசாமி இயக்கத்தில் விஜய்சேதுபதி நடித்த இடம் பொருள் ஏவல் படம் இன்னும் வெளியாகவில்லை.
இப்படத்தில் விஜய் சேதுபதி, விஷ்ணு விஷால், ஐஸ்வர்யா ராஜேஷ், நந்திதா ஸ்வேதா ஆகியோர் நடித்துள்ளனர்.
பாலியல் குற்றச்சாட்டு: இடம் பொருள் ஏவல் படத்தில் நடிக்க, முதலில் மனிஷா யாதவ் ஒப்பந்தம் செய்யப்பட்டதாகவும், ஆனால், அவரை படப்பிடிப்புக்காக கொடைக்கானல் அழைத்துச்சென்று சீனு ராமசாமி பாலியல் தொல்லை அளித்ததால், அந்த படத்திலிருந்து மனிஷா விலகியதாகவும் குற்றஞ்சாட்டினார் பிஸ்மி.
சீனு ராமசாமி ட்வீட்: இதற்கு பதிலளித்த சீனு ராமசாமி தனது எக்ஸ் தள பக்கத்தில் அடுக்கடுக்கான பல கேள்விகளை எழுப்பி உள்ளார். அதில், இடம் பொருள் ஏவல் படப்பிடிப்பிற்கு வந்த முதல் நாள் ஏன் முதல் ஷாட்டில் 28 டேக் வாங்கினார் மணிஷா.
2) படப்பிடிப்பு தளத்தில் உதவிட வந்த மூத்த நடிகையர் வடிவுக்கரசி அவர்களிடம் கோபித்து கடுஞ்சொல் வீசினாரே ஏன்?
3) விஷ்ணு விஷால் ஜோடியாக நடியுங்கள் என நானும் அண்ணாமலை பீலிம்ஸ் கணேஷ் அவர்களும் கேட்ட பொழுது ஏன் மறுத்தார்?
4) என் சம்பளத்தில் ஒரு லட்சம் நஷ்ட ஈடாக பெற்றாரே ஏன்..?
5) மூன்று நாட்கள் திருப்பதி பிரதர்ஸ் நிறுவனம் தந்த ஹோட்டலில் தன் தாயாருடன் தங்கிருந்த மனிஷா அவர்களை கடைசி ஒரு நாள் காலையில் படப்பிடிப்பில் சந்தித்தேன்.
6) அந்த 28 டேக் மேக்கிங் வீடியோவுக்கு காத்திருக்கிறேன். தெய்வம் அருளனும் இருப்பினும் உங்களோடு திரும்ப பணி புரிய விரும்பினேன்.
எனக்கே மலர் அஞ்சலி: நவீன இலஷ்மி காந்தன் பிஸ்மி அவர்களுக்கு அண்ணன் பிஸ்மி ஒவ்வொரு நாள் தன் பேச்சை எனக்கு அனுப்புவார். ஒரு பூ வாட்ஸ்சப்பில் அவருக்கு போடுவேன் கடைசியில் மலர் அஞ்சலி எனக்கு வைக்க முயல்வார் என நான் எதிர் பார்க்கவில்லை. மாமனிதன் பெற்ற விருதுகளை பிண அலங்காரம் என வசை பாடியது எனக்கு வலித்தது, மாமனிதன் உலகம் போற்றிய ஒரு சினிமா, அதனால் உங்களை ஒருமையில் எழுதி விட்டேன்.
ஒன்னரை வருஷமா டார்க்கெட்: ஏன் கடந்த ஒன்னரை வருடமாக என்னை டார்க்கெட் செய்து வலை பேச்சில் 20 வீடியோ பேசினீர்கள் பிஸ்மி அண்ணா? தயாரிப்பாளர் சுரேஷ் காமாட்சி மூலமாக பேசி பின் நானே அண்ணே என்னை நெகட்டிவா சொல்ல வேண்டாம் என கெஞ்சிய வாய்ஸ் நோட்ஸ் அனுப்பினேன் மூன்று மாதம் முன்பு.
என்ன நியாயம்: ஆண்களை படத்தில் நீக்கினால் சிறந்த டைரக்டர் அதுவே பெண்களை நீக்கினால் பாலியல் பழியா? உங்கள் மனைவியார் என் வீட்டுக்கு புகைப்பட கலைஞரோடு வந்து என் அம்மாவை பேட்டி எடுத்தாங்க என்னையும் என் அம்மாவையும் இணைத்து படமும் எடுத்தாங்க.. அந்த பேட்டியை நன்றியோடு என்றும் நினைப்பேன் என பதிவிட்டுள்ளார்.
Continue with Google