கொரோனா வார்டில் 'மக்க கலங்குதப்பா' பாடலுக்கு டான்ஸ்.. கோவை நபருக்கு அடித்த ஜாக்பாட்!

மக்க கலங்குதப்பா

அந்த வகையில் கோவையில் கொரோனா வைரஸால் பாதிக்கப்பட்டவர்களுக்கு மருத்துவமனையில் தனியாக சிகிச்சை அளிக்கப்பட்டு வருகிறது. இந்நிலையில் அந்த வார்டில் கொரோனா தொற்றால் பாதிக்கப்பட்ட நபர் ஒருவர், தர்மதுரை படத்தில் இடம்பெற்ற மக்க கலங்குதப்பா பாடலுக்கு நடனமாடி சக நோயாளிகளை மகிழ்ச்சியில் ஆழ்த்தினார்.

சீனு ராமசாமி

அவரது நடனத்தை பார்த்த மற்ற நோயாளிகள் கைகளை தட்டி தங்களின் மகிழ்ச்சியை வெளிப்படுத்தினர். அந்த நபர் நடனமாடும் வீடியோ சமூக வலைதளங்களில் வைரலானது. இந்நிலையில் அந்த வீடியோவை தனது டிவிட்டர் பக்கத்தில் ஷேர் செய்துள்ள இயக்குநர் சீனு ராமசாமி அவரை பாராட்டியுள்ளார்.

மாற்றிவிட்டார்

மேலும் தனது அடுத்தப்படத்தில் அவருக்கு நடிக்கவும் வாய்ப்பு வழங்கியுள்ளார். இதுதொடர்பாக அவர் பதிவிட்டுள்ள டிவிட்டில் தெரிவித்திருப்பதாவது, கொரோனா தொற்றையே நம்மை விட்டு வழியனுப்பும் பாடலாக 'மக்க கலங்குதப்பா' பாடலை இவர் இங்கே மாற்றி விட்டார்.

உண்டு வாய்ப்பு

நீர் விரும்பினால் உமக்கு எனது அடுத்த படத்தில் நடிக்கவும் உண்டு வாய்ப்பு என பதிவிட்டுள்ளார். விஜய் சேதுபதி, தமன்னா, சிருஷ்டி டாங்கே உள்ளிட்ட பலர் நடித்த தர்மதுரை படத்தை சீனு ராமசாமிதான் இயக்கியிருந்தார் என்பது குறிப்பிடத்தக்கது.