சூப்பர் ஆசையை வெளியிட்ட இயக்குநர் சீனு ராமசாமி

இயக்குநர் சீனு ராமசாமி

இயக்குநர் சீனு ராமசாமி சிறப்பான படங்களை தொடர்ந்து ரசிகர்களுக்கு கொடுத்து வருகிறார். கூடல்நகர், தென்மேற்கு பருவக்காற்று, நீர்ப்பறவை, தர்மதுரை, கண்ணே கலைமானே, தர்மதுரை என இதுவரை 7 படங்களை அவர் இயக்கியுள்ளார். இந்தப் படங்களின் கேரக்டர்கள் மற்றும் திரைக்கதை எப்போதும் ரசிகர்கள் நெஞ்சில் நீங்காமல் நிலைத்து நிற்பவை.

சூப்பர்ஸ்டாருக்கு வாழ்த்து

தொடர்ந்து சமூக வலைதளத்திலும் அவர் பரபரப்புடன் செயல்பட்டு வருகிறார். சமீபத்தில் சூப்பர்ஸ்டார் ரஜினிகாந்த் மருத்துவமனையில் அனுமதிக்கப்பட்ட நிலையில்,, திரையரங்குகளில் திருவிழா காண்பதற்கு ரஜினிகாந்த் பூரண நலம் பெற்றும் இல்லம் திரும்ப அன்பும் பிரார்த்தனையும் செய்வதாக அவர் குறிப்பிட்டிருந்தார்.

மாமனிதன் படம் சமர்ப்பணம்

இதேபோல அவரது இயக்கத்தில் உருவாகியுள்ள விஜய் சேதுபதியின் மாமனிதன் படத்தினை திருமதி அகிலா பாலுமகேந்திரா மற்றும் யுவனின் அம்மா ஜீவா அவர்களுக்கும் உளப்பூர்வமாக சமர்ப்பித்ததாகவும் தெரிவித்துள்ளார். இதில் வெயில் காலத்தில் வேப்பமரத்தின் அணில் போல தனது வாழ்வுக்கு நிழல் தந்தவர் அகிலா பாலுமகேந்திரா என்றும் அவர் கூறியுள்ளார்.

3 படங்கள் தயார்

தற்போது இவரது இயக்கத்தில் இடிமுழக்கம், மாமனிதன், இடம்பொருள் ஏவல் உள்ளிட்ட படங்கள் ரிலீசுக்கு தயாராகியுள்ளன. இந்தப் படங்கள் அடுத்தடுத்து ரிலீசாகும் என்று எதிர்பார்க்கப்படுகிறது. இந்நிலையில் தற்போது தனது அடுத்த படத்திற்கு தயாராகியுள்ளார் சீனு ராமசாமி.

இடிமுழக்கம் படத்தின் ரிலீஸ்

ஜிவி பிரகாஷ், காயத்ரி அருள்தாஸ் உள்ளிட்டவர்கள் நடிப்பில் உருவாகியுள்ள இடிமுழக்கம் திரைப்படத்தின் பர்ஸ்ட் லுக் போஸ்டரை விரைவில் வெளியிட படக்குழு திட்டமிட்டுள்ளது. மேலும் விரைவில் ரிலீஸ் குறித்த அறிவிப்பும் வெளியாகும் என்று எதிர்பார்க்கப்படுகிறது.

சீனு ராமசாமியின் விருப்பம்

இந்நிலையில் கர்னல் பென்னிகுவிக்கின் வாழ்க்கை சரிதத்தை படமாக எடுக்க விருப்பப்படுவதாக அவர் தனது ட்விட்டர் பக்கத்தில் தெரிவித்துள்ளார். முல்லைப் பெரியாறு அணையை தனது சொந்த காசில் கட்டி முப்போகம் விளைய செய்தவர் கர்னல் பென்னி குவிக். இவர் தென் மாவட்ட மக்களின் கடவுளாக போற்றப்படுபவர்.