பிரம்மாண்ட பட்ஜெட்டுடன் கனவுப்படத்தில் களமிறங்கும் இயக்குநர் ஷங்கர்.. யாரெல்லாம் நடிக்கிறாங்க தெரியுமா?

இயக்குநர் ஷங்கர்

இயக்குநர் ஷங்கர் பிரம்மாண்டங்களின் இயக்குநர் என்று பெயர் வாங்கியவர். இவரது பல படங்கள் அதன் பிரம்மாண்டத்திற்காகவே சிறப்பான வரவேற்பை பெற்றன. கதையிலும், காட்சிகளிலும் கூட மிரட்டலான அம்சங்களை ஷங்கர் புகுத்துவார். இதனால் இவரது படங்கள் ஹாலிவுட் படங்களையே விஞ்சும் வகையில் அமைந்துவிடும்.

சூட்டிங் தடைபட்ட இந்தியன் 2

இவரது இந்தியன் படம் கமல் நடிப்பில் சிறப்பான வரவேற்பை பெற்ற படம். இதில் அப்பா -மகனாக கமல் நடித்திருப்பார். இந்நிலையில் இந்தப் படத்தின் இரண்டாவது பாகத்திற்கான அறிவிப்பு வெளியாகி படத்தின் சூட்டிங்கும் நடத்தப்பட்டது. அப்போது சூட்டிங் ஸ்பாட்டில் ஏற்பட்ட ஒரு விபத்து காரணமாக தற்போது சூட்டிங் நிறுத்தப்பட்டுள்ளது.

ராம்சரணுடன் படம்

இந்தப் படத்தின் சூட்டிங் விரைவில் துவங்கவுள்ளதாக கூறப்படுகிறது. லைகா மற்றும் ஷங்கர் இடையிலான பிணக்குகள் தீர்க்கப்பட்டு விட்டதாகவும் விரைவில் படத்தின் சூட்டிங் துவங்கும் என்றும் அறிவிக்கப்பட்டது. இந்நிலையில் தெலுங்கில் ராம்சரணை வைத்து தனது அடுத்தப்படத்தை துவக்கிவிட்டார் ஷங்கர். சூட்டிங் விறுவிறுப்பாக நடைபெற்று வருகிறது.

ரன்வீர் சிங்கை இயக்கும் ஷங்கர்

இந்நிலையில் அடுத்ததாக பாலிவுட்டிலும் ரன்வீர் சிங்குடனும் அடுத்தப்படத்தில் கமிட்டாகியுள்ளார் ஷங்கர். அந்தப்படத்தின் சூட்டிங், ராம்சரணின் சூட்டிங்கை முடித்தப்பின்பு துவங்கும் என்று கூறப்படுகிறது. இதனிடையே தனது கனவுப்படமான சயின்ஸ் பிக்ஷன் கதையிலும் கவனம் செலுத்தி வருகிறார் ஷங்கர்.

Recommended Video

Yaanai | திரையரங்கிற்கு நேரடியாக சென்று பார்வையிட்ட Arun Vijay *Kollywood | Filmibeat Tamil

ஷங்கரின் கனவுப்படம்

இதனிடையே நீருக்கடியில் ஏற்படும் நிகழ்வுகளை மையமாக கொண்டு அடுத்தப்படத்தை சயின்ஸ் பிக்ஷன் படமாக திட்டமிட்டுள்ளார். இந்தப் படத்தின் பட்ஜெட் மட்டுமே 1000 கோடி ரூபாய் என்று கூறப்படுகிறது. இதில் ஹிருத்திக் ரோஷன் மற்றம் ராம்சரண் முக்கியமான கதாபாத்திரங்களில் நடிக்கவுள்ளதாகவும் கூறப்பட்டுள்ளது.